11:24 22 Рашәара 2021
Ишиашоу ицо аефир
  • USD73.20
  • EUR86.89
Аԥсны
Икьаҿу ахьарԥш аиура
37 0 0

Бзыԥ аиҩхааҿы ҩымшуп аӡы иагаз атуристка Дариа Манасова лыԥшаара иаҿуижьҭеи. Аԥсшьаҩы аӡиас Иаӷьа далаҳаит амҽыша рашәара 6 рзы.

АҞӘА, рашәара 8 - Sputnik. Дариа Манасова лани ланшьа иԥҳаи Аԥсныҟа иааит рашәара 8 рзы. Абри атәы аанацҳауеит АҶА апресс-маҵзура.

Дара Дариа Манасова аӡы дахьагаз аҭыԥ ахь инеиит. Уажәы аԥсихологцәа аус рыдыруылоит.

Аԥсны АҶА аиқәырхаҩцәеи Риҵатәи амилаҭтә парк аусзуҩцәеи аӡиасқәа Иаӷьеи Бзыԥи ргәаҭара иаҿуп, уи иадҵны ицоз амахәҭақәагьы ҭырҵааит, аха дырзымԥшааит. Ақәоура ӷәӷәақәа ирыхҟьаны Бзыԥ аҩхааҿы илеиуа аӡиасқәа акыр ирыцлеит, иаӷьхеит.

Аԥшааратә операциа иалахәуп 30-ҩык рҟынӡа АҶА аусзуҩцәеи Риҵатәи амилаҭтә реликттә парк аусзуҩцәеи еицхырааны.

Аиқәырхаратә ҟәшақәа рашәара 6 ахәылԥаз адырра шаароузҵәҟьа Бзыԥ аҩхаахь идәықәлеит. Аҽны хәлаанӡа аиқәырхаҩцәа аӡиасқәа Иаӷьеи Бзыԥи ргәаҭара иаҿын, уи иадҵны ицо амахәҭақәагьы ҭырҵааит. Аха дырзымԥшааит: Рашәара 7 азы аҭыԥ аверталиот ала иахыԥраауан. Уажәы шьхараҿы ақәа ӷәӷәаны иахьлеиуа иахҟьаны Бзыԥ аҩхаа аӡиасқәа зегьы ирыцлеит, урҭ акыр иаӷьны илеиуеит, уи аԥшаарақәа акыр идыруадаҩуеит.

Ихадоу атемақәа