07:52 27 Ԥхынгәы 2021
Ишиашоу ицо аефир
  • USD74.10
  • EUR87.32
Аԥсны
Икьаҿу ахьарԥш аиура
11 0 0

Пицундатәи ауахәама ауарӷантә зал аҿы аконцерттә сезон аадыртит лаҵара 23 азы. Апрограмма хыркәшахоит цәыббрамзазы.

АҞӘА, рашәара 14 – Sputnik. Пицундатәи ауахәама Аконцерттә зал аԥхынтәи апрограмма азнархиеит аконцертқәеи афестивальқәеи рыла ҳәа арадио Sputnik иазеиҭалҳәеит аконцерттә зал адиректор Гәында Агрԥҳа.

"Пицундатәи ауахәама ауарӷантә зал аҿы аконцерттә сезон аадыртит лаҵара 23 азы Лука Гаделиа иқәгыларала. Гаделиа иконцертқәа ԥшьашалеи мҽышалеи имҩаԥыслоит. Ԥхынгәымзазы аԥснытәи аколлективқәа – Аԥснытәи капелла, аоркестрқәа, Аҳәынҭфилармониа асолистцәа ықәгылоит. Иара убасгьы сынтәа иазԥхьагәаҭоуп имаҷымкәа афестивальқәа. Рашәара 23 азы иқәгылараны иҟоуп Башкириатәи ахор", - ҳәа лҳәоит Агрԥҳа.

Итрадициатәу аклассикатә музыка афестиваль "Хьыбла Гьерзмаа шәаалыԥхьоит" мҩаԥгахоит Пицундатәи ауахәама ауарӷантә зал аҿы нанҳәа 13 азы. Абилеҭқәа раахәара алшоит акассаҿ.

Агрԥҳа лажәақәа рыла, ахәаԥшцәа реиҳарак ареспублика асасцәа роуп.

"Атуристцәа ҳконцертқәа рҭаара бзиа ирбоит. Аклассикатә музыка бзиа избо ауаа рхыԥхьаӡара рацәахеит. Ԥхынгәымзаз инаркны есыҽны аконцертқәа мҩаԥаагалоит. Цәыббрамзазы ауарӷантә музыка афестиваль мҩаԥгахоит", - лҳәоит Агрԥҳа.

Лара илҳәеит пандемиа иахҟьаны ауарӷантә музыка афестиваль аҿы урыстәылатәии аԥснытәии аколлективқәа рымацара шракәу иқәгыло.

Иара убас шәаԥхьар ҟалоит:

Ихадоу атемақәа