21:48 25 Ԥхынгәы 2021
Ишиашоу ицо аефир
  • USD73.77
  • EUR86.85
Аԥсны
Икьаҿу ахьарԥш аиура
4 0 0

1994 шықәса рашәара 21 инаркны 2008 шықәса цәыббра 1 аҟынӡа Аԥсны аҭынчреиҿкаара мҩаԥыргон Ихьыԥшым атәылақәа реимабзиара аколлективтә мчрақәа.

АҞӘА, рашәара 22 - Sputnik. Аԥсны иҟоу Урыстәыла Аладатәи арратә округ аррамаҵзурауааи Аԥсны Атәылахьчара аминистрра аррамаҵзурауааи рхы аладырхәит Урыстәыла абжьаҟазаҩцәа Аԥсныҟа рааира 27 шықәса ахыҵра.

Аԥсны иҟоу Урыстәыла Аладатәи арратә округ аррамаҵзурауааи Аԥсны Атәылахьчара аминистрра аррамаҵзурауааи минуҭктәи аҿымҭрала иргәаладыршәеит 1994 шықәса рашәара 21 инаркны 2008 шықәса цәыббра 1 аҟынӡа знапынҵақәа рынагӡараан иҭахаз аҭынчреиҿкааҩцәа, Урыстәыла Арбџьар мчқәа рыррамаҵзурауаа рбаҟа аҿаԥхьа ашәҭшьыҵәрақәа шьҭарҵеит.

Аԥсны иҟоу Урыстәыла Аладатәи арратә округ Гәдоуҭатәи абазаҿы имҩаԥган аррамаҵзурауааи аветеранцәеи амедалқәеи аҳаҭыртә дыргақәеи ахьранашьаз амитинг. Иара хыркәшан аныҳәатә марш ала.

Аԥсны иҟоу Урыстәыла Аладатәи арратә округ Аԥсны аҵакыраҿы 1994 шықәса рашәара 21 инаркны аҭынчреиҿкаара мҩаԥызгоз 131-тәи хаз игоу амотохысратә бригада иашьҭрақәлаҩуп.

Лаҵара 14, 1994 шықәсазы Москва анапы аҵаҩын ахымцамч аанкыланы амчрақәа реиҟәыгаразы аиқәшаҳаҭра. Уи инақәыршәаны аимак азонахь иалагалан ИАР атәылақәа, аиҳарак урыстәылатәи арратә контингент.

1994 шықәса рашәара 21 инаркны 2008 шықәса цәыббра 1 аҟынӡа Аԥсны аҭынчреиҿкааратә операциа мҩаԥыргон Ихьыԥшым атәылақәа реимабзиара аколлективтә мчрақәа.

Ихадоу атемақәа