Арепатриациа афонд аԥарақәа реимҵәаразы аус иалаҟьашьу аҩнытә баандаҩра иқәырҵеит

© Sputnik / Владимир Федоренко / Амедиаҵәахырҭахь аиасраМолоток судьи
Молоток судьи - Sputnik Аҧсны, 1920, 18.07.2021
Анапаҵаҩра
Ашьҭазаара змаз Амиран Лакербаиа ԥхынгәы 13 рзы Аԥсны Апрокуратура хада ашьаусԥшааратә усбарҭахь ихала днеит, уа Арепатриациа афонд иатәу аԥарақәа реимҵәара ахҭыс ала ихацырку ашьаус азы иҿахәы иҿырхит.

АҞӘА, ԥхынгәы 18 - Sputnik. Аҟәатәи ақалақьтә ӡбарҭа Арепатриациа афонд аԥарақәа реимҵәаразы аус иалаҟьашьу Амиран Лакербаиа аҩнытә баандаҩра иқәнаҵеит ҩымз ҳәа - цәыббра 13 рҟынӡа. Абри атәы аанацҳауеит аӡбарҭа асаит.

Лакербаиа ахара идырҵоит "мҽхакы ҭбаала абиуџьеттә ԥарақәа рӷьычра" ахәҭаҷ ала.

Арепатриациазы уаанӡатәи аминистр Беслан Дбар ахара идырҵоит имаҵура ихы иархәаны адокументқәа еилаганы, аҳәынҭқарратә ԥара рацәаны еимиҵәеит ҳәа. Ари аус иалахәуп ИАЕ "РемСтрой2012" аиҳабы Амиран Лакербаиеи Арепатриациазы афонд атехникатә хылаԥшразы анџьныр Денис Ақаҩбеи.

Руки в наручниках. - Sputnik Аҧсны, 1920, 15.07.2021
Арепатриациа афонд аԥарақәа реимҵәаразы аус иалаҟьашьу даҽаӡәы даанкылоуп

Заанаҵтәи аусҭҵаара адыррақәа рыла, ИАЕ "РемСтрой2012" аиҳабы Амиран Лакербаиеи Арепатриациазы афонд атехникатә хылаԥшразы анџьныр Денис Ақаҩбеи, уаанҳатәи аминистр Бесланн Дбари харас ирыдырҵоит рҽеидкыланы заа еибыҳәаны Арепатриациа иатәу аԥара рацәаны, зеиԥшла 25 296 598 мааҭ еимырҵәеит ҳәа.

Аԥсны Апрокуратура хада ашьаусԥшааратә усбарҭа ашьаус хацнаркит хәажәкыра 23 рзы. Аҟәатәи ақалақьтә ӡбарҭа Арепатриациаз уаанӡатәи аусзуҩ Денис Ақаҩба аҩнытә рбаандаҩра иқәнаҵеит лаҵара 23 рҟынӡа. 

Арепатриациазы уаанӡатәи аминистр Беслан Дбар иԥшаара рыларҳәеит мшаԥы 23 рзы.

Ажәабжьқәа зегьы
0