АҞӘА, ԥхынгәы 20 - Sputnik. Гагреи, Гәдоуҭа мраҭашәаратәи ахәҭеи асааҭ 15:00 инаркны 18:00 нӡа лашарада иаанхоит ԥхынгәы 21 рзы. Абри атәы аанацҳауеит "Амшынеиқәафымцамч".
Афымцалашара дырцәоит авольтҳарак цәаҳәа Бзыԥ 220 аҟны имҩаԥысуа аиҭашьақәыргыларатә усурақәа ирхырҟьаны.
Иара убри аан иазгәаҭоуп, ԥхынгәы 22 рзы арҭ араионқәа рҟны аграфик ишарбо ала асааҭ 03:00-05:00 рзы афымцалашара шыдмырцәо.
Рашәара 18 инаркны Аԥсны уахынла ҩ-сааҭк афымцалашара арцәара иалагеит.
