09:27 17 Цәыббра 2021
Ишиашоу ицо аефир
  • USD72.43
  • EUR85.36
Аԥсны
Икьаҿу ахьарԥш аиура
29 0 0

Аепидемиологиатә ҭагылазаашьа уадаҩ инадҳәаланы аекспозициа аҭааҩцәа рзы аԥҟара ҷыдақәа азгәаҭоуп.

АҞӘА, нанҳәа 3 - Sputnik. Аҟәа, Асахьаҭыхыҩцәа рцәыргақәҵатә зал хадаҿы еиҿкаауп аекспозициа "Аԥхынтәи агалереиа" ҳәа Facebook аҿы илыҩуеит Ацәыргақәҵатә зал хада адиректор Ельвира Арсалиаԥҳа.

"Асахьаҭыхыҩцәагьы, егьырҭ арҿиаратә усзуҩцәа реиԥш, апандемиа аамҭаз ауадаҩрақәа рымоуп. Асахьаҭыхыҩцәа рҟазаратә усура аиԥмырҟьаразы ауп изеиҿкаау аекспозициа "Аԥхынтәи агалереиа", - ҳәа лыҩуеит Арсалиаԥҳа.

Аекспозициа ҳаамҭазтәи асахьаҭыхыҩцәа еиуеиԥшым ржанрқәа рыла ишьақәгылоуп: аҿыханҵа, аграфика, аскульптура.

  • Ацәыргақәҵатә зал аҿы асанитартә нормақәа ирықәныҟәаны аекспозициа аадыртит
    © Sputnik / Томас Тхайцук
  • Ацәыргақәҵатә зал аҿы асанитартә нормақәа ирықәныҟәаны аекспозициа аадыртит
    © Sputnik / Томас Тхайцук
  • Ацәыргақәҵатә зал аҿы асанитартә нормақәа ирықәныҟәаны аекспозициа аадыртит
    © Sputnik / Томас Тхайцук
  • Ацәыргақәҵатә зал аҿы асанитартә нормақәа ирықәныҟәаны аекспозициа аадыртит
    © Sputnik / Томас Тхайцук
1 / 4
© Sputnik / Томас Тхайцук
Ацәыргақәҵатә зал аҿы асанитартә нормақәа ирықәныҟәаны аекспозициа аадыртит

Аепидемиологиатә ҭагылазаашьа уадаҩ инадҳәаланы аекспозициа аҭааҩцәа рзы аԥҟара ҷыдақәа азгәаҭоуп:

  • Аекспозициа аҭаара алшоит ахыхьчагақәа уманы;
  • Азал аамҭак ала иҩноу хәҩык иреиҳамзароуп;
  • Ацәыргақәҵахь инеир алшом аимҳәачымазарақәа змоу;
  • Ацәыргақәҵахь инеир рылшом аекскурсиатә гәыԥқәа.

Аекспозициа аус ауеит цәыббра 1 аҟынӡа.

Арсалиаԥҳа илҳәеит апроектқәа жәпакы ма ишыҟамло ма рыҿҳәара ишнахо. Иахьатәи аҭагылазаашьаҿы ауааԥсыра ргәабзиара зегь раҵкыс ихадоуп ҳәа ишьоуп.

Ихадоу атемақәа