09:18 17 Цәыббра 2021
Ишиашоу ицо аефир
  • USD72.43
  • EUR85.36
Аԥсны
Икьаҿу ахьарԥш аиура
23 0 0

200 раҟара аспортсменцәа злахәыз Зых иақәиҭу аиқәԥаразы жәларбжьаратәи атурнир мҩаԥысуан Ставрополь нанҳәа 6-7 рзы. 

АҞӘА, нанҳәа 8 – Sputnik, Бадри Есиава. Аџьазтә медалқәа хԥеи раӡнытә медалки ириааит гәдоуҭатәи ақәԥаҩцәа Ставрополь имҩаԥысуаз аицлабрақәа раан, абри атәы Sputnik акорреспондент изеиҭеиҳәеит зых иақәиҭу аиқәԥаразы азыҟаҵаҩ Аинар Мархолиа.

"Ахԥатәи аҭыԥ ргеит Алан Цыгәба, Леон Малиа, Леон Агрба. Аҩбатәи аҭыԥ игеит Омар Ҳашыг, аха ҳара аӡбаҩцәа ишырӡбаз ҳақәшаҳаҭӡам. Уи цасҳәа ирымҭаӡеит актәи аҭыԥ, избан акәзар уаанӡа хәынтә аиааира игахьан, афынтә раан ирымҭарц рыӡбеит", - ҳәа азгәеиҭеит азыҟаҵаҩ, иара иажәақәа рыла, арԥарцәа зегьы Ҟәланырхәа рҽазыҟарҵоит.  

Мархолиа иажәақәа рыла, Ставропольҟа атурнир ахь, иара убас наҟ-наҟ иҟалараны иҟоу атурнирқәа рахь ицаразы аԥара рырҭеит аҭыԥантәи анаплакыҩцәа. 

Ҭагалан дара ааԥхьара рымоуп Москва имҩаԥысраны иҟоу зых иақәиҭу аиқәԥаразы аицлабрақәа рахь, иара убас Ставропольҟагьы, аха дара уахь ицаӡом ииасыз атурнир аиҿкааҩцәа аҭамзаара шьҭарымҵакәа.

Ихадоу атемақәа