COVID-19 зланы иԥсыз 330-ҩык рҟынӡа инаӡеит, издырбалаз 23 нызқьҩык иреиҳахеит Аԥсны

© Sputnik / Алексей Сухоруков / Амедиаҵәахырҭахь аиасраПациент перед операцией
Пациент перед операцией - Sputnik Аҧсны, 1920, 09.08.2021
Анапаҵаҩра
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 23094-ҩык ыҟоуп, ргәы бзиахеит 18265-ҩык, рыԥсҭазаара иалҵит 330-ҩык.
АҞӘА, нанҳәа 9 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 522-ҩык атестқәа рзыҟаҵан, урҭ рахьтә 120-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.
Гәдоуҭатәи араионтә хәшәтәырҭаҿы ҩымш рыла ԥшьҩык ачымазцәа рыԥсҭазаара иалҵит, 62, 69, 71 шықәса зхыҵуа ахацәеи 68 шықәса зхыҵуа аԥҳәыси.
Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 163-ҩык, рҭагылазаашьа бааԥсуп 32-ҩык, ибжьаратәуп - 51-ҩык.
Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык, урҭ рахьтә 15-ҩык апациентцәа рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 43-ҩык, Тҟәарчалтәи ахәшәтәырҭаҿы - 13-ҩык апациентцәа.
Акоронавирус иазку ажәабжьқәа зегьы шәрыԥхьар ҟалоит абра>>
Ажәабжьқәа зегьы
0