16:32 27 Цәыббра 2021
Ишиашоу ицо аефир
  • USD72.66
  • EUR85.04
Аԥсны
Икьаҿу ахьарԥш аиура
45 0 0

Нанҳәа 9 асааҭ 23:00 азы Гагра агәаны ахысра аҭыԥ аман, аӡәы ахәрақәа иоуит.

АҞӘА, нанҳәа 11 - Sputnik. Гагра араион ААР аусҭҵааратә ҟәша ашьаус хацнаркит ауаҩы игәабзиара ааха ӷәӷәа аҭареи ихысуа абџьар аныҟәгареи, аҵәахреиа, амҩангареи рзы. Абри атәы Sputnik иазеиҭеиҳәеит Гагра апрокурор Беслан Ԥкьын.

"Иацы, асааҭ 23:00 азы, Гагра Арӡынба имҩаҿы 1985 шықәса рзы ииз Асҭамыр Бганба ахәра иоуит, 1990 шықәсазы ииз Гьаргь Анқәаб дахьиехсыз иахҟьаны. Анқәаб аҭыԥ аҟынтәи дыбналеит", - иҳәеит апрокурор.

Беслан Ԥкьын иҳәеит Бганба иуаҭәеи инапи шхәу, Гагратәи араионтә хәышәтәырҭахь днаган аԥҟара шизыҟарҵаз. Ахәра зауыз иԥсҭазаара ашәарҭара иҭагылам.

Ихадоу атемақәа