10:39 17 Цәыббра 2021
Ишиашоу ицо аефир
  • USD72.43
  • EUR85.36
Аԥсны
Икьаҿу ахьарԥш аиура
25 0 0

Атурнир иалахәын 2005-2008 шықәсқәа рзы ииз аспортсменцәа Москвантәи, Владимирсктәи, Калужтәи, Липецктәи, Тамбовтәи аобластқәеи, Краснодартәи атәылаҿацәи Аԥсни рҟынтәи.

АҞӘА, нанҳәа 27 – Sputnik. Аԥснытәи абоксерцәа аԥхьахәтә ҭыԥқәа жәба ааныркылеит, нанҳәа 23-26 рзы Риазантәи аобласт аҟны Урыстәыла афырхаҵа Алексеи Буриличев игәалашәаразы имҩаԥгаз Урыстәылазегьтәи атурнир аҟны. Абри атәы аанацҳауеит Аԥсны аҳәынтқарратә аспорт хеилак.

Аԥсны ахьӡала иқәгылеит жә-ҩык абоксерцәа Аҟәантәи, Агәыӡерантәи, Гагрантәи.

Атурнир аихшьаалақәа рыла, аԥсуа спортсменцәа ԥ-шьҩык аԥхьахәтә ҭыԥқәа ирыԥсахеит, х-ҩык аҩбатәи, ҩыџьа ахԥатәи аҭыԥқәа.

Актәи аҭыԥқәа ааныркылеит Агәыӡератәи аспортсменцәа Грант Касиани Дауҭ Гындиеи, Аҟәатәи аспортсменцәа Инал Кәарҷиеи Баграт Ҭаниеи.

Аҩбатәи аҭыԥқәа ирыԥсахеит Гагратәи абоксерцәа Давид Ҵколиа, Ренат Бениа, Галуст Арзуманиан.

Ахԥатәи аҭыԥқәа ааныркылеит Данил Кәыҵниа Агәыӡерантәи, Қьамал Возба Аҟәантәи.

Аспортсменцәа азыҟарҵоит Елезбар Џьологәуа, Едгар Криа, Иракли Ҵурҵумиа, Едуард Депилиан. Аԥнытәи акоманда мҩаԥигон аӡбаҩ актәи аҩаӡара змоу Матевос Макртычиан.

Ихадоу атемақәа