09:09 17 Цәыббра 2021
Ишиашоу ицо аефир
  • USD72.43
  • EUR85.36
Аԥсны
Икьаҿу ахьарԥш аиура
18 0 0

Нанҳәа 6 рзы Аԥсныҟа иааргеит 5 000 доза алаҵа "Спутник Лайт", уи алаҵара иалагеит амза 10 инаркны. Ари апартиа ааихәеит, аагарагьы ахә ахишәааит Москватәи аԥсуа диаспора ахада Беслан Агрба.

АҞӘА, цәыббра 3 – Sputnik. Алаҵа "Спутник Лаит" иахьазы Аԥсны иҟарҵахьеит 2277-ҩык ауааԥсыра, абри атәы иҳәеит агәабзиарахьчара министр Едуард Быҭәба ипресс-конференциҿы.

Уаанӡа Аԥсны асаниатртә ҳақьым хада Лиудмила Скорик илҳәахьан, ашколқәа рҿы аковидҿагыларатә усмҩаԥгатәқәа ирықәныҟәалатәуп ҳәа, арҵаҩцәа хымԥада алаҵа рзыҟаҵазароуп ҳәа наҵшьны. 

Едуард Быҭәба иазгәеиҭеит, аҟәатәи арҵаҩцәа алаҵа рзыҟаҵаразы ишырзалху Синоп иҟоу аполиклиника.

"Аха зынхарала ари аполиклиника иацәыхароу хымԥада уахь дымнеиргьы ҟалоит, аус зуа иарбанзаалак егьырҭ апунктқәа рҿгьы алаҵа ҟауҵар улшоит ҳтәыла ахьынӡанаӡааӡо , - иҳәеит иара.

Алаҵа "Спутник Лайт" хә-нызқь доза Аԥсныҟа иааган нанҳәа 6 рзы. Ари апартиа аахәареи Аԥсныҟа аашьҭра аиҿкаареи ихахьы игеит Москватәи Аԥсуа диаспора аиҳабы Беслан Агрба.

"Спутник V" актәи апартиа 4000 доза 6,9 миллион мааҭ ҳәа иаахәан 2021 шықәса мшаԥымзазы. Даҽа 2500 доза агуманитартә цхыраара ҳәа Урыстәыла Аԥсныҟа иаанашьҭит.

 

Ихадоу атемақәа