АҞӘА, цәыббра 5 - Sputnik. Урыстәылатәи Афедерациа аекономикатә ҿиара аминистрра аделегациа Камантәи аберҭыԥ иаҭааит, абри атәы аанацҳауеит аԥыза-министр, аекономика аминистр Кристина Озган Instagram лофициал даҟьаҿы. Камантәи аберҭыԥ ахылаԥшҩы аигумен Игнатиа асасцәа идирбеит аберҭыԥ, ирзеиҭеиҳәеит аԥшьаҭыԥ аҭоурых, Аԥсни Урыстәылеи доуҳала реимадара.
©
Foto / instagram / kristina_ozgan_official
Каман ацқьа Иоанн Ахьҿа иберҭыԥ иаҭааз урыстәылатәи аделегациа мҩаԥылгон аԥыза-министр, аекономика аминистр Кристина Озган
Анаҩс асасцәа аҭааит Афонҿыцтәи аҳаԥы.
Аԥшьаша цәыббра 2 азы Аԥсны усутә ныҟәарыла иаҭааит Урыстәылатәи Афедерациа аекономикатә ҿиара аминистрреи Аенергетика аминистрреи рделегациа.
Иара убас шәаԥхьар ҟалоит:
- Аԥсни Урыстәылеи ҳтәыла асоциал-економикатә ҿиара апрограмма аус адырулоит
-
Бжьаниа Урыстәыла Аенергетикеи Аекономикатә ҿиареи аминистррақәа рхаҭарнакцәа идикылеит
