16:21 27 Цәыббра 2021
Ишиашоу ицо аефир
  • USD72.66
  • EUR85.04
Аԥсны
Икьаҿу ахьарԥш аиура
22 0 0

Аԥсны жәлар рџьынџьтәылатә еибашьра аветеран, Леон иорден занашьоу Станислав Амҷба Очамчыра араион напхгара азиуан 2020 шықәса лаҵарамза инаркны 2021 шықәса жәабранмзанӡа.

АҞӘА, цәыббра 12 - Sputnik. Уаанӡатәи Очамчыра араион ахада, аҳәынҭқарратә, ауаажәларратә усзуҩ Станислав Амҷба идунеи иԥсахит 71 шықәса дшырҭагылаз, абри атәы аарыцҳаит иара иуацәа.

Аекономист иҵара змаз Амҷба Очамчыра араион дахагылан шықәсык иназынаԥшуа, 2020 шықәса лаҵарамза инаркны 2021 шықәса жәабранмзанӡа.

2004, 2009 шықәсқәа рзы Станислав Амҷба Очамчыра араионтә еизара адепутатс далырхуан. 2007 шықәса инаркны 2015 шықәсанӡа Гәылрыԥшь араион иатәу Дранда аҳабла аиҳабыс дыҟан.

Станислав Амҷба 1992-1993 шықәсқәа рзы Аԥсны жәлар рџьынџьтәылатә еибашьра далахәын, Мрагыларатәи афронт 1-тәи аполк акомандир ихаҭыԥуаҩс дыҟан, Леон иорден ианашьоуп.

Станислав Амҷба анышә дамардоит иқыҭа гәакьа Џьгьарда, аҩаша цәыббра 14 рзы.

Иара убас шәаԥхьар ҟалоит:

Ихадоу атемақәа