Аԥсны ахада аҳазалхратә усбарҭа аусзуҩцәа аҳамҭақәа ранеишьеит

© Sputnik / Бадрак Авидзба Президент Абхазии наградил сотрудников Государственного таможенного комитета
Президент Абхазии наградил сотрудников Государственного таможенного комитета - Sputnik Аҧсны, 1920, 27.09.2021
Анапаҵаҩра
Аԥсны Аҳәынҭқарратә ҳазалхратә еилакы шьаҭаркуижьҭеи 30 шықәса ҵит. 1991 шықәса цәыббра 27 аҽны Владислав Арӡынба зхадараҿы дгылаз Аԥсны АССР Иреиҳаӡоу асовет иаднакылеит ақәҵара аҳазалхратә усбарҭа аартразы.
АҞӘА, цәыббра 27 - Sputnik, Бадраҟ Аҩӡба. Аԥсны Аҳәынҭқарратә ҳазалхратә еилакы аусзуҩцәа рҳамҭаҭара мҩаԥысит Аԥсны ахада Иусбарҭаҿы.
"Ҳаҭыр зқәу Аԥсны Аҳәынҭқарратә ҳазалхратә еилакы аусзуҩцәа, ишәыдысныҳәалоит шәиубилеитә рыцхә. 1991 шықәса цәыббра 27 аҽны Владислав Арӡынба зхадараҿы дгылаз Аԥсны АССР Иреиҳаӡоу асовет иаднакылеит ақәҵара аҳазалхратә усбарҭа аартразы", - ҳәа иҳәеит Аслан Бжьаниа.
Памятник погибшим сотрудникам открыли в Государственном таможенном комитете - Sputnik Аҧсны, 1920, 27.09.2021
Аԥсны аҳазалхратә еилак аҿы иҭахаз рбаҟа аадыртит
Аԥсны Аҳәынҭқарратә ҳазалхратә еилакы арҭ аамҭақәа зегьы рзы атәыла аекономика рӷәӷәо иахьчоит амилаҭтә интересқәа, аҳәынҭқарра абиуџьет ахарҭәаараҿы ламысцқьала аусура мҩаԥнагоит ҳәа иҳәоит ахада иҟаиҵаз адныҳәалараҿы.
Аԥсны ахада иусдҵақәа рыла: изаамҭанытәиу ачын "аҳазалхратә усбарҭа полковник" ланашьоуп аилак документла аиқәыршәара аҟәша аиҳабы Белла Кәыҵниаԥҳа, агәлаҵатә дырга ранашьоуп Анана Гогохьиа, Ҭемыр Лашәриа, Алхас Тарнаа, Леван Чагәаа, Георги Чхотуа, агәлаҵатә дырга "Аԥсны Аҳәынҭқарра зҽаԥсазтәыз аҳазалхҩы" ранашьоуп Еҭери Ачԥҳа, Оҭар Ашәба, Гәырам Барцыц, Нона Кәыҵниаԥҳа, Беслан Кобахиа, Светалана Маанԥҳа, Алиас Хышба, Иола Чабалырхәа.
Цәыббра 27азы Аԥсны Аҳәынҭқарратә ҳазалхратә еилак аҿы рмаҵуратә уалԥшьа анагӡараан иҭахаз аусзуҩцәа рбаҟа аадыртит.
Ажәабжьқәа зегьы
0