Калдахәара ақыҭан инхо Лариса Саӷариаԥҳа илдыруа аҭҳәақәа рыла ауааи, арахәи, аҽқәеи ршьапы иқәлыргылоит, убас илхәышәтәуеит аԥшьра ҳәа изышьҭоу ачымазареи, акәырҵыкьи, еиуеиԥшым ашәрақәеи. Шәаԥхьарц ишәыдаагалоит аҭәҳәаҟаҵаҩ илызкны Саида Жьиԥҳа иазлырхиаз аматериал.

Очамчыра араион аҵара аҟәша аиҳабы Феликс Џьынџьиа арадио Sputnik аҟны арубрика "Раионк аԥсҭазаараҟынтә" аҿы еиҭеиҳәеит аҵарашықәс шыхдыркәшаз атәы.

Аҭоурых аҿахәы, Аԥсадгьыл ахьаа, аԥсуаа рыбзиабара зыԥсҭазаароу Ҭырқәтәыла инхо абырг Илҳан Аҩӡба игәҭахәыцрақәа ирызкуп ажурналист Сырма Ашәԥҳа ишәыдылгало анҵамҭа.

Акыр шықәса ҵуеит, Ашәҟәы ҟаԥшь иану Лӡаа иуԥыло адгьылбжьарамшынтә акәуақәа Аԥсни, Урыстәылеи рҵарауаа рыҭҵаара иаҿуижьҭеи. Ақыҭанхацәагьы акәуақәа рпопулиациа иагымхарц азы рылаԥш рхуп. Аԥстәқәа ишрыхӡыӡаауа еиҭеиҳәеит аҭыԥантәи анхаҩы, абиолог қәыԥш Умар Џьакониа.

Ашәҟәыҩҩы, аҭоурыхҭҵааҩ Денис Чачхалиа арадио Sputnik аефир аҿы еиҭеиҳәеит Симон Канатәи имшныҳәа аԥсуа жәлар рзы ҵакыс иамоу атәы.

Аҭаларазы алхратә кампаниахь инашьҭхоит аҳәаанырцә тәылауааи, атәылауаҩра змам ахаҿқәеи, аҳәаанхыҵ инхо аџьынџьуаагьы уахь иналаҵаны.

Иҳаҩсыз уахыки-ҽнаки рыла акоронавирустә инфекциа рылоу ирыламу агәаҭаразы атестқәа ирхысит 69-ҩык ауааԥсыра.

Лыхны ақыҭа ахада Џьансыхә Ҷкотуа арадио Sputnik Аԥсны аефир аҿы еиҭеиҳәеит ақыҭаҿы иҟоу ауадаҩрақәа ртәы.

Алхас Ҷолокәуа Аԥсны ахада иҿы иҟоу АИХқәа рымадаразы аусбарҭа аиҳабыс иҟаҵаразы аусԥҟа атәыла ахада Аслан Бжьаниа инапы аҵаиҩит ахәаша, лаҵара 22 рзы.

Аԥсны аиҳабыра иалыркааит еиҳа аԥыжәара зҭатәу абиуџьеттә ныхрақәа рхырхарҭа ареспубликатә биуџьет аҭышәныртәаларазы.

Урыстәыла ахада Владимир Путин атәылаҿ асанитар-епидемиологиатә ҭагылазаашьазы аиҳабыра реилацәажәара далахәын.

Апандемиа ааҟалазар ареспубликаҿы 25-ҩык авирус рыхьхьеит. Фҩык ргәабзиара шьақәгылахьеит, аӡәы лыԥсҭазаара далҵит.

Аԥсны зҽаԥсазтәыз артист, Леон иорден занашьоу Гарри Сангәлиа лаҵара 22 рзы 60 шықәса ихыҵуеит. Арадио Sputnik Аԥсны аефир аҿы иара еиҭеиҳәеит иԥсҭазаара акәашара ишадиҳәалаз атәы.

Лаҵара 5 рзы Аслан Бжьаниа Аԥсны ахада иаҳасаб ала раԥхьатәи аҳәаанырцәтә усуратә ныҟәарала Москва дыҟан.

Аԥсны ахада Аслан Бжьаниа Беслан Ешба Аҟәа ақалақь ахада инапынҵақәа рынагӡаҩыс даиҭеит мшаԥы 30 рзы.

Аԥсуа наплакыҩцәа реиҿкаара "Ҳара ҳаидгылоуп" абзоурала Аԥсназы 56 миллион мааҭ инареиҳаны аԥара еизгоуп.

ААУ аҟазара аҟәша аиҳабы Нугзар Логәуа арадио Sputnik Аԥсны иеиҭаз аинтервиу аҿы иҳәеит адипломтә усумҭақәа рыхьчараан аҿкы чымазара аламырҵәаразы иахәҭоу аԥҟарақәа зегьы ишрықәныҟәахо атәы.

Иахьазы Урыстәыла иахьаҵанакуа 326 448-ҩык акоронавирустә инфекциа рымоуп 85 регион рҿы.

Мшаԥы 30 рзы Аҟәа ақалақь ахада инапынҵақәа рынагӡара далагеит Беслан Ешба. Абри аҭыԥ аҿы иара диԥсахит Кан Кәарҷиа.

Лаҵара 21, 1864 шықәса – Кавказтәи аибашьра аҵыхәтәантәи амш ҳәа иԥхьаӡоуп. Ари амш аҽны ҳџьынџьуаа ахьыҟазаалак агәаларшәаратә хәылԥазқәа мҩаԥыргоит.