Аԥсуа ҳәынҭқарратә драматә театр адиректор хада Нодар Ҷанба атеатр аҟны имҩаԥгаз апресс-конференциаҿы иазгәеиҭеит аҟазара знапы алакәу иахьыҟазаалак рмилаҭ ирыцхраароуп ркультуа аҭыгара аус аҟны ҳәа.

ConIFA алахәылаҩцәа иааицуа ашықәс аламҭалаз еизаны ирыӡбоит Адунеи ачемпионат – 2020 ахьымҩаԥысша атәыла.

Гал араион ахада ихаҭыԥуаҩ, ақыҭанхамҩа аусбарҭа аиҳабы Ҭамаз Ҵәыџьба арадио Sputnik аефир аҟны иҳәеит сынтәа араса аҽаҩра зеиԥшроу атәы.

Аҿар рфорум "Машук" мҩаԥысуеит Пиатигорск нанҳәа 9-30 рзы.

Самсон Ҷанба ихьӡ зху Аԥсуа драматә театр асценаҟны нанҳәа 21 асааҭ 19:00 рзы ахәаԥшцәа иддырбоит Адгәыр Ақаҩба иқәиргылаз аспектакль "Ромеои Џьулеттеи".

Хра злоу ахҭысқәа - иалкаау аполитикатә, асоциалтә, акультуратә хҭысқәа. Ҳара урҭ ҳрылацәажәоит, ахәшьара аҳҭоит, алкаа рзыҟаҳҵоит.

Хәшәылеи амедицинатә маҭәашьарқәеи рыла аиқәыршәаразы агәабзиарахьчара аминистрра аусбарҭа аиҳабы Ахра Аџьба арадио Sputnik аҟны иҳәеит араионқәа рҟны амедицинатә ҭыԥқәа русушьа шеиҿкаау.

Аԥсны Аҳәынҭқарра ахадара иалхрақәа ҟалоит атәыла араионқәа зегьи Москва, Черкесск, Сҭампыл ақалақьқәеи рҟны нанҳәа 25, 2019 шықәса рзы.

Аӡбарҭа анаҩстәи аилатәара арыцхә еилкаам, уи атәы аӡбарҭа анаҩс адырра ҟанаҵоит.

Ашәахьа, нанҳәа 26 рзы Аԥснытәи аҳәынҭқарратә филармониаҟны имҩаԥысраны иҟоуп Ахьыԥшымра азхаҵара амш иазку аконцерт.

Ашәарыцаҩцәеи аԥсыӡкыҩцәеи реидгыла ахантәаҩы Ҳаџьараҭ Кәыҵниа арадио Sputnik Аԥсны аефир аҟны ҳтәылаҟны ашәарыцаразы аҭагылазаашьа далацәажәеит иара убас ашәарыцаразы иахәҭоу ашәҟәқәа ртәы дазааҭгылеит.

Ақәыршыҩқәа ирыхҟьаны Гагра араион Чагрыԥшь ақыҭа иахьаҵанакуа аҳәынҭқарратә мҩаду ахәҭа азганк ҿыбгеит.

Адгьыл ауаҩы ишизыбзиоу еиԥш, изԥырхагогьы ыҟоуп рҳәоит. Иаҳҳәап аӡәы лассы-лассы амашәырқәа дрыниоит. Ус еиԥш иҟаз адгьыл изыразхаразы дырныҳәон.

Нанҳәа 16-18 рзы Ҩыԥсара аӡиас аҟны имҩаԥысит Аԥсны, Аахыҵ Уаԥстәыла, ДЖәР, Урыстәыла ақалақьқәа жәпакы рҟынтәи 20 команда инареиҳаны излахәыз Аспиннинг ала аԥсыӡкразы Аԥсны иаарту ачемпионат.

Нанҳәа 19 рзы Аиашахаҵаратә уахәама иаԥылоит Анцәа Иҽеиҭакра аныҳәа. Уи шьақәдыргылеит Фавор ашьхаҿы Иаса Қьырса иҵаҩцәа рҿаԥхьа Иҽеиҭакра агәалашәаразы.

Аҟәатәи аҩбатәи абжьаратә школ аҵарашықәс ҿыц аналаго ахәыҷқәа рзы ашәқәа аанартуа мамзаргьы аҵаҩцәа аднамкыло атәы арадио Sputnik аҟны еиҭеиҳәеит ажурналист Бадраҟ Аҩӡба.

Аԥсуа Федерациа имҩаԥнагаз аизара аҿы иззаҭгылаз азҵаарақəа дрылацəажəоит уи анапхгаҩы Аҭанур Аҟəысба.

Аҟәа ақалақь Гәыматәи амҩа адгьылҳәазара ахьыҟалаз ахәҭаҿы инхоз 20 ҭаацәара рыҩныҟақәа рахь ихынҳәит. Дара арыцҳара иақәымшәарц азы даҽа ҭыԥк ахь нхара ҳәа ииаган.

Астолтә ԥкьаҭымԥыл азы афедерациа ахада Беслан Карчаа арадио Sputnik аҟны иҳәеит Аҟәа имҩаԥысраны иҟоу Жәларбжьаратәи атурнир иалахәхо, аспортсменцәа разыҟаҵара атәы.