01:07 19 Абҵара 2019
Ишиашоу ицо аефир
  • USD63.75
  • EUR70.53

Абнарахь иоушьҭыз абнацгәы Ельбрус Нхыҵ Кавказтәи ашьхақәа рҿы иӡит

© Foto / Marcel Burkhard
Кавказ
Икьаҿу ахьарԥш аиура
64 0 0

Азиа-ааигәатәи абнацгәы уаанӡа Нхыҵ Кавказ инаркны Амшын ҟаԥшь аҟынӡеи Босфор инаркны Индиеи рҟынӡа иуԥылон.

АҞӘА, жәабран 15 – Sputnik. Нхыҵ Кавказ аԥсабара ахьчареи аиқәырхареи Рцентр адиректор Рената Шиушаите Шәача имҩаԥысуа Урыстәылатәи аинвестициатә форум аҿы РИА Новости иазеиҭалҳәеит абнарахь иоушьҭыз абнацгәы Ельбрус Нхыҵ Кавказтәи ашьхақәа рҿы иӡит ҳәа.

"Нхыҵ Уаԥстәыла абнарахь иоушьҭыз абнацыгәқәа аспутниктә хәыдхаҵақәа рыман, ҳрышьклаԥшуан. Уажәы ҳара Ельбрус ахәыдхаҵа ҳбом. Иҟалоит аспутник ахьзымнаӡо ҭыԥк ахь ицазар. Асы рацәаны икажьуп, аԥшаара уадаҩхеит", - лҳәеит лара.

XX-тәи ашәышақәсазы азиа-ааигәатәи абнацыгәқәа  ахьыҟоу аҵакырадгьылқәа акыр иҭшәахеит. Уажәы Кавказ дара шамахамзар иуԥылаӡом. Иара аӡра иаҿу хкны Ашәҟәы ҟаԥшь иануп.

Азиа-ааигәатәи абнацгәы Кавказ аиҭашьақәыргылараз апрограмма мҩаԥысуеит Шәачатәи амилаҭтә парк, Кавказтәи аҳәырԥсарра, Адунеизегьтәи аԥсабаратә фонд (WWF), Москватәи азоопарк, АНО "Центр природы Кавказа", аԥсабара ахьчаразы Жәларбжьаратәи аидгыла, азоопаркқәеи аквариумқәеи рзы Европатәи ассоциациа алархәны.

Ихадоу атемақәа