Абар аԥхын раԥхьатәи амза ахыркәшарахь инеит. Аԥсны акурорттә сезон активла иалагеит, ҳтәылаҿы атуристцәа рхыԥхьаӡара иаҳа-иаҳа иацлоит. Уи еиҳарак изыхҟьо Краснодартәи атәылаҿацә аҟны акоронавирус иаҿагылоу аԥкрақәа ахьырџьбароу ауп.
Пицундеи Гагреи рҟәарақәа макьана зынӡаҵәҟьагьы иҭәӡам, аха иагьыҭацәым. Жәа-нызқьҩыла атуристцәа аҳауа ԥхарра, амшын ҟәанда, амра хаа рыԥсы аларшьоит.
Аӡәырҩы арахь иаауеит мышктәи аекскурсиақәа ҳәа иаауеит.
Атуризм азы аминистрра ишазԥхьагәанаҭо ала, Аԥсныҟа ари атуристтә сезон азы иаараны иҟоуп миллионки бжаки раҟара асасцәа, уи хәышә нызқь рыла еиҳауп ҵыԥх аасҭа. Рашәарамза азбжанӡа Риҵатәи амилаҭтә реликттә парк иаҭааит 150 000-ҩык ауааԥсыра, Афонҿыцтәи аҳаԥы - 100 000-ҩык.
1/13
© Sputnik / Томас Тхайцук
"Акурорт Пицунда" аплиаж рашәарамза аҵыхәтәантәи амшқәа раан.
2/13
© Sputnik / Томас Тхайцук
Атуристцәа Пицунда амшын аҟәараҿы амра ацәиаалара адагьы, алшара рымоуп аекскурсиатә ӷба иақәтәаны Мысра игылоу Горбачиов идачаҟынӡа ицан иаар.
3/13
© Sputnik / Томас Тхайцук
Аԥсны атуризм азы аминистрра адыррақәа рыла, рашәарамза азбжанӡа атуробиектқәа зегьы 100 процентк рыла иҭәын.
4/13
© Sputnik / Томас Тхайцук
Атуристцәа Аԥсны акурортқәа еиҳа иалырхуеит аратәи амшын цқьеи, аҳауа зҩыдеи, аԥсабара аԥшӡареи, аҭыԥантәи ауааԥсыра рысасдкылашьеи азоуп ҳәа ирыԥхьаӡоит.
5/13
© Sputnik / Томас Тхайцук
Аԥсныҟа еиҳарак урыстәылатәи атуристцәа роуп иаауп. Сынтәа ара ирзыԥшуп миллионки бжаки атуристцәа.
6/13
© Sputnik / Томас Тхайцук
Атуристцәа еижәыланы арахь иахьдәықәлаз акоронавирус иахҟьаны аҳәаақәа ахьаркуи Урыстәылеи егьырҭ атәылақәеи рыбжьара авиаеимадара ахьыԥкуи азоуп ҳәа рҳәоит.
7/13
© Sputnik / Томас Тхайцук
Урыстәылатәи атуристка гагратәи аколоннадаҿы дгыланы амшын дхыԥшылоит.
8/13
© Sputnik / Акоп Кущян
Гагра аԥшаҳәаҿы ааигәа аусура иаладыргеит 55 метра иҟоу анаԥшы-ааԥшырҭатә барбал.
9/13
© Sputnik / Томас Тхайцук
Зықьҩыла атуристцәа рҭаацәа рыманы Аԥсныҟа ԥсшьара иаауеит.
10/13
© Sputnik / Томас Тхайцук
Аԥсны амшын аҟәараҿы иагьшоуроуп, иагьыԥшӡароуп, иара убас ара аамҭа шьахәла иухугоит.
11/13
© Sputnik / Томас Тхайцук
Амшын аҟәара иаваршәны иныҟәоит атуристцәа назга-аазго аӷбақәа, урҭ рҟынтәи аԥсшьабцәа ирызҿырҭуеит, амшын агәаҟынтәи аԥшаҳәа иахәаԥшырц иаарыԥхьоит.
12/13
© Sputnik / Томас Тхайцук
Амра аҭашәамҭаз зегь иреиӷьу афотоқәа алҵуеит, еиҳарак аҭыԥҳа ԥшӡагьы ааигәа днеиуазар.
13/13
© Sputnik / Томас Тхайцук
Амра амшын инӡаалеит, даҽа ԥхны мшыкгьы абас ала ихыркәшахеит.
