"Афильм аидеиа ҳадызгалаз Иулиа Повлуиченкова лоуп. Лара ԥшьба-хәба шықәса ҵуеит Урыстәылантә дааны Аӡҩыбжьа ақыҭан дынхоижьҭе. Убраҟа лара длабадырит зыԥсҭазаара зегьы арҵаҩра иазызкыз, Аԥсны зҽаԥсазтәыз арҵаҩы, Алла Куциа. Аҭоурых аҟнытә иаадыруеит, раԥхьаӡа акәны Максим Горки Аԥсны даныҟаз, 1892 шықәса рзы, Урыстәылантә иааны иҟаз анхацәа Новороссииск- Баҭым амҩаду аргылара ишаҿыз. Убарҭ дрылан Максим Горкигьы. Убысҟан иара Аӡҩыбжьа дзықәшәаз ахҭыс, жәашықәса рышьҭахь шьаҭас иҟаҵаны ииҩит ажәабжьгьы "Ауаҩы иира" захьӡу. Ари ақыҭа иара акалашәа дазыҟан. Алла Куциа, Максим Горки иԥсҭазаара еснагь дазҿлымҳан, лара афильм аҭыхра лыгәҭакы лыцеиҩылшеит Иулиа Повлуиченкова, анаҩс лара Иулиа лхаҭа "Абаза-ТВ" ахь даҳзааит аидеиа ҳадылгаларц", — лгәалалыршәоит Ебжьноу арадио Sputnik Аԥсны аефир аҟны Максим Горьки изку афильм аҭыхра шыҟалаз.
Ебжьноу "М. Горки А`ԥснытәи ианҵамҭақәа" иазкны: шьаҭас иазышьҭоуп иажәабжьқәа
16:33 09.04.2018 (ирҿыцуп: 17:16 09.04.2018)
© Sputnik / Томас Тхайцук
Анапаҵаҩра
Урыстәыла аклассикатә литератураҿы зышьаҭа аанзыжьыз Максим Горки диижьҭеи 150 аҵра инамаданы ателеканал "Абаза-ТВ" "М. Горки Аԥснытәи ианҵамҭақәа" зыхьӡу афильм азнархиеит. Уи автор, Лиана Ебжьноу, арадио Sputnik Аԥсны аефир аҟны еиҭалҳәеит афильм аҭыхра аидеи шцәырҵыз.
"Хра злоу ахҭысқәа": Лиана Ебжьноу М. Горки изку афильм аҭыхра шыҟалаз атәы
