11:32 19 Цәыббра 2020
Ишиашоу ицо аефир
  • USD75.03
  • EUR88.96

Цкәуа Гиви Смыр игәалашәара иазку атурнир азы: сынтәа жәларбжьаратәины иҟалеит

Арадио
Икьаҿу ахьарԥш аиура
25 0 0

Афонҿыцтәи аҳаԥы аартҩы Гиви Смыр игәалашәара иазкны ақалақь аҟны имҩаԥысуа ахәыҷтәы шьапылампылтә еицлабра рхы аладырхәырц Аԥсны анҭыҵынтә ԥшь-командак ааит иҳәеит арадио Sputnik аефир аҟны Афон Ҿыц ахадара аҿари аспорти рзы аилак ахантәаҩы Михаил Цкәуа.

Цкәуа Гиви Смыр игәалашәара иазку атурнир азы: сынтәа жәларбжьаратәины иҟалеит
"Сынтәа аҩынтә раан имҩаԥысуеит Гиви Смыр игәалашәара иазку атурнир. Сынтәа ҳтурнир Жәларбжьаратәи аҩаӡара аиуртә алшара ҳауит, Москвантәи иаҳзааит агәыԥқәа   Олимпик-1, Олимпик-2, насгьы иаҳзааит ашьапылампыл асыҩцәа Луганскынтә, Ростовнтә. Ҳара иҳамоу агәыԥкәа фба ыҟоуп, жәа-гәыԥк еицлаблоит хәымш Афон Ҿыц  имҩаԥысло аицлабрақәа рҟны. Афонҿыцтәи аҳаԥы анапхгара ахәмаррақәа рымҩаԥгаразы ацхыраара ҟарҵеит. Ахәыҷтәы шьапылампылтә командақәа аицлабра иалахәу зегьы ибзианы рҽазыҟаҵаны иҟоуп, иаҳа иӷәӷәоу аиааира ргоит", — иҳәеит Цкәуа.

Гиви Смыр игәалашәара иазку ашьапылампыл азы жәларбжьаратәи атурнир мҩаԥысуеит Афон Ҿыц ԥхынгәы 20 инаркны 25-нӡа. Еицлабуеит 2008-2009 шықәсқәа рзы ииыз ахәыҷқәа рыла ишьақәгылоу акомандақәа.

Ихадоу атемақәа