Микрофон  - Sputnik Аҧсны
Арадио

Ажурналист Есма Џьыкырԥҳа: раԥхьатәи санҵамҭа ақәҿиара аиуит

© SputnikЭсма Джикирба
Эсма Джикирба - Sputnik Аҧсны
Анапаҵаҩра
Аԥсуа телехәаԥшраҟны аусура дшалагз арадио Sputnik аҟны еиҭалҳәеит ажурналист, адырраҭара "Аԥсуа цәа зху" амҩаԥгаҩ Есма Џьыкырԥҳа. Абҵара 6 рзы Аԥсуа телехәаԥшра аефирахь иҭыҵиижьҭеи 40 шықәса ҵуеит.

"Ҳазлацәажәаша ҳамоуп": Џьыкырԥҳа ателехәаԥшраҟны лусура иазкны
"Ателехәаԥшрахьы раԥхьа снеит 1995 шықәсазы, усҟан ажурналистика афакультет аҟны аҵара сҵон. Аԥхын аԥсшьарамшқәа рзы усҟантәи ателерадиоеилахәыра ахантәаҩы Гәырам Амқәаб арежиссиор ицхырааҩс аусура сыдигалеит хымз ҳәа. Анаҩс ахԥатәи акурс аҿы сыштәаз, амонтажҟаҵаҩ иҭыԥ сыдигалеит Гәырам Артиом-иԥа. Ателехәаԥшраҟны аусура аинтерес аҵоуп. Журналистк иаҳасабала раԥхьа иҟасҵаз санҵамҭа, Емма Хәаџьааԥҳа имҩаԥылгоз адырраҭара "Амшеикәшара ашәахьала" азы иҟасҵеит. Уи аҭаацәа змамыз, амҩадуқәа ирныз ахыҷәқәа ирызкын. Ателехәаԥшцәа даара азҿлымҳара арҭеит,  аҭел иасуаз рацәан, ақәҿиара аиуит", — лҳәеит Џьыкырԥҳа.

Аиҿцәажәара инарҭбаан шәазыӡырҩыр ҟалоит арадио Sputnik Аԥсны ишиашоу ицо аефир аҟны, асааҭ 18:00 рзы.

Ажәабжьқәа зегьы
0