09:51 05 Ԥхынгәы 2020
Ишиашоу ицо аефир
  • USD70.50
  • EUR79.22

Дбар: Амшын Еиқәаҿы акамшьиа зкуа рҳәоу еиқәшәам

Арадио
Икьаҿу ахьарԥш аиура
13 0 0

Аԥсны аекологиа аинститут аиҳабы Роман Дбар арадио Sputnik Аԥсны аефир аҟны еиҭеиҳәеит Амшын Еиқәаҿы акамшьиа аҭагылазаашьа зеиԥшроу атәы.

Дбар: Амшын Еиқәаҿы акамшьиа зкуа рҳәоу еиқәшәам

"Ахамса аҭагылазаашьа Амшын Еиқәаҿы даара иуадаҩуп, избанзар есышықәса иркуа ахыԥхьаӡара рацәоуп, иара аԥсыӡ ахаҭа акәзар, усҟак аҿиара аиуӡом. Акамшьиа Амшын Еиқәаҿы еиҳарак Ҭырқәтәыла ауп изкуа, уи официлла џьаргьы иарбаӡам, аха иаадыруеит 300 000 тонн рҟныӡа ишыркуа. Ҵыԥх Қырҭтәыла иркит 100 000 тонн, ҳара — 20 000 тонна. Ари апроблема есааира ицәгьахоит, избанзар изкыр зҭаху рхыԥхьаӡара иацлоит. Амшын Еиқәаҿы ари аԥсыӡ зкуа рҳәоу еиқәшәаӡам, еизаку акомиссиа аҳәынҭқаррақәа зегьы рхаҭарнакцәа злаху еиҿкааӡам", — ҳәа азгәеиҭеит Дбар.

Аиҿцәажәара инарҭбаан шәазыӡырҩыр ҟалоит арадио Sputnik Аԥсны ишиашоу ицо аефир аҟны, асааҭ 18:00 рзы.

Ихадоу атемақәа