10:51 17 Рашәара 2019
Ишиашоу ицо аефир
  • USD64.43
  • EUR72.70
Ҳалуқ Саӡба иԥшәмԥҳәыси Гиульаи Храҷаԥҳаи.
© Фото : Сырма Ашәԥҳа

Ҳалуқ Саӡба: Сҭампыл аԥсуа чыс згәы иақәшәаз, Аԥсны ргәаԥхоит ҳәа ҳазхәыцуеит

Арадио
Икьаҿу ахьарԥш аиура
26210

Сҭампыл ақалақь аҿы ақьафурҭа "Сылашара" аазыртыз Ҳалуқ Саӡба арадио Sputnik аҟны иҳәеит аҭааҩцәа аԥсуа чыс ргәаԥхарц ишашьҭоу, уи ала Аԥсны ахьӡ аҭыгара ишазхәыцуа.

"Ашә, ахәылчаԥа, ашыла инаркны ақыҭа аҟынтәигьы иааҳгоит,  ара (ақьафурҭаҟны-аред.) аԥсуа чыс ҟаҳҵоит. Жәашықәса раахыижьҭеи гәҭакыс исыман Сҭампыл ақалақь аҟны аԥсуаа рхәы ахьыҟарҵо ҭыԥк аартра, хышықәса ҵуеит уи алыршахеижьҭеи. Сҭамԥыл ақалақь агәаны иҟоу ҳқьафурҭа рдыруеит аԥсуаа, ачерқьезцәа, адыгаа, ауаԥсаа, аҟабардацәа, иаҳзаауеит аҭырқәцәагьы, ҳчыс ргәаԥхоит. Аԥсуа сыӡбал, абысҭа, ашә рҟәыҷны аҵыбра аҭаны бзиа ибаны ирфоит. Ақалақь анапхгара иреиуоу урҭӷьы ҳзаалоит. Ахәы ҟазҵо сыԥшәма ԥҳәыс Гиулиан Храҷаԥҳа лоуп, лан, ланду рҟынтәи ақыҭаҿы илбаз, ирҿылҵааз ала. Аԥснынтәигьы иаҳзаауа ҳразҵаауеит ахәы агьама шԥарбеи ҳәа, зегьы ирҳәоит рандуцәа иҟарҵоз ачыс агьама амоуп ҳәа. Ҳара ара ауаа акрырҿаҵара мацара акәӡам ҳзызхәыцо, иаҳҭахуп аԥсуаа зусҭцәоу, рнапы злакә рбарц. Аԥсуаа рчыс ргәаԥхар Аԥсны ргәаԥхоит ҳәа аҳазхәыцуеит, иаҳагьы ҳус иацаҳҵандаз ҳәа ҳашьҭоуп", - иҳәеит Саӡба.

Ихадоу атемақәа

  • Мадина Ажьиԥҳа

    Гагра араион ашколқәа рҟны аԥышәарақәа рыҭиреи, аушьҭымҭацәа рылҵшәақәеи, актәи акласси ахәыҷбаҳчақәеи рҿы адкылара шымҩаԥысуеи ртәы дазааҭгылеит араион аҵара аҟәша аиҳабы Мадина Ажьиԥҳа.

    7
  • Ҳаџьы-Мураҭ Саранск ианықәгылоз

    Аинформациатә маҵзуреи арадиои Sputnik Аԥсны ишәыднагалоит Аԥсны ахы-аҵыхәа имҩаԥысуа ауснагӡатәқәа зныԥшуа амчыбжь азтәи акультуратә афиша.

    7
  • адыд-амацәыс

    Аԥхын адыд-мацәыс иаҳа лассы-ласс иҟалалоит. Аԥсуа жәлар разхаҵарақәа рыла иарбанызаалак адыд заахаз Анцәа иитәу, иԥшьоу акы акәны иахәаԥшуан. Адыд-мацәыс заахаз ауаҩы иҿыхрагьы иныҳәашьагьы рҷыдарақәа Нарҭдырреи адәынтәи афольклорҭҵаареи рцентр аҭҵаарадырратә усзуҩ Есма Ҭодуаԥҳа лматериал аҟны.

    123