Микрофон  - Sputnik Аҧсны
Арадио

Бганба: Ҭырқәтәылантәи ҳашьцәа Аԥсны анхара иалагар, ҳекономика иаҳа ишьҭыҵуан

© Sputnik / Томас ТхайцукВалерий Бганба
Валерий Бганба - Sputnik Аҧсны
Анапаҵаҩра
Аԥыза-министр Валери Бганба иазгәеиҭеит Ҭырқәтәылантәи Аԥсныҟа нхара иаауа ҳдиаспора ахаҭарнакцәа рзы зҭыԥ иқәҵатәу азҵаарақәа.

Аԥсны аԥыза-министр Валери Бганба жәабран 4 инаркны 6-нӡа Ҭырқәтәыла дыҟан, уаҟа дырԥылеит адисапора ахаҭарнакцәа.

Бганба: иҭацәу адгьылқәа аанаҳкылт ҳәа аҳәара ҳаҟәыҵны ҳџьынџьуаа анхаразы ирыҭатәуп

"Ҳажәлар сеилыркаар сҭахуп уаантәи иааз (Ҭырқәтәылатәи аԥсуа диаспора ахаҭарнакцәа - аред.) акы анрыхьлак, рыгәҭакқәа зегьы шааҳәуа. Избанзар иҟалахьеит ахҭысқәа, ацәгьоурақәа ирыдҳәалоу. Зегь раԥхьа иргыланы иааиуа рыхьчара аҳәынҭқарра ахахьы иагароуп. Ҳанцәажәо ҳџьынџьуаа даара бзиа иаҳбоит, аха цәгьоуҩык аҳәынҭқарраҟны дыҟамкәа изалшом, убри аҟынтә ацәгьоуцәа раанкылара азгәаҳҭароуп. Насгьы иаауа ауадақәа рыҭатәуп ҳәа ҳалагоит, аха уи мацарала иауӡом. Иазхәыцтәуп ауҭраҭых ахьыҟарҵаша, шәырк ахьырааӡаша адгьылқәа рзылхра азҵаара. Аиаша ҳҳәозар, ҳара Асовет Еидгылаҟны иааӡаз ҳаасҭа дара абизнес иаҳа иазыманшәалоуп. Ҭырқәтәылантәи иаауа ҳџьынџьуаа Аԥсны анхара иалагар, ҳекономика иаҳа ишьҭыҵуан. Иаҳдыруеит иахьа шаҟаҩы Аԥсны ҳақәынхо, иҭацәу адгьылқәа сара истәуп, иааныскылеит ҳәа аҳәара ҳаҟәыҵны, хәыҷык ҳџьынџьуаа анхара ҟарҵарц ирыҭатәуп", - ҳәа азгәеиҭеит  Бганба.

Аԥыза-министр убасгьы иҳәеит аԥсуа тәылауаҩшәҟәқәа заур зҭаху ҳџьынџьуаа зегьы рыҭара азҵаара даара иазхәыцны иазнеитәуп, ҳаԥхьаҟа ишьҭоу алхрақәа аниаслак ашьҭахь ҳәа.

Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.

Ажәабжьқәа зегьы
0