10:07 18 Нанҳәа 2019
Ишиашоу ицо аефир
  • USD66.00
  • EUR73.22
Руслан Хашиг
© Sputnik / Бадрак Авидзба

Ҳашыг "Эхо Абхазии" азы: аԥсуа кьыԥхь аԥсҭазаара ханарҭәаауеит

Арадио
Икьаҿу ахьарԥш аиура
61 0 0

Аԥсны ажурналистцәа реидгыла ахантәаҩы Руслан Ҳашыг арадио Sputnik аҟны далацәажәеит 25 шықәса зхыҵыз Аԥсны раԥхьатәи ихьыԥшым агазеҭ "Эхо Абхазии".

"Агазеҭ "Эхо Абхазии" иахьа иҳамоу акьыԥхьтә ҭыжьымҭақәа рҟынтәи аибашьра ашьҭахь раԥхьаӡа акәны иҳәынҭқарратәым еиҿкаарак аҳасабала аҭыжьра далагеит аредактор Витали Шариа. Иара аус иухьан "Советская Абхазия", "Республика Абхазия" агазеҭқәа рҟны, аԥышәа бзиа змоу, злагамҭа ажурналистика аҟны ихатәроу иоуп. Аҭыжьра раԥхьа далагеит аҳәаанырцә, Урыстәыла Аԥсны иазкны иркьыԥхьуаз анҵамҭақәа рыла. Усҟан агазеҭкәа, ажурналқәа Аԥсныҟа иааӡомызт аимадарақәа зегьы аанкылан, иара ихаирҭәааит ауаа акьыԥхь ахь иаадырԥшуаз азҿлымҳара. Иара убас иахкьыԥхьааны иҭижьуаз азҿлымҳара змаз анҵамҭақәа рзы иара игәаанагара ациҵо далагеит. Иахьа аҭыжьымҭа 25 шықәса ахыҵуеит, аԥсуа кьыԥхь аинформациатә ԥсаҭазаара хазырҭәаауа акәны иҟоуп, даара азҿлымҳара зуҭаша амҩа ианысит. Иҟан иара ахала ахы анныҟәнагоз, иахьа аредакциа иреиӷьу аамҭа иҭагылам. Иҭабуп ахаҳҳәаауеит Аԥсны аҳәынҭқарратә биуџьет аҟны шьҭа хышықәса раахыс анҵамҭа ахьыҟоу иҳәынҭқарратәым акьыԥхь адгылара, ацхраара азыҟаҵаразы. "Эхо Абхазии" егьырҭ агазеҭқәа реиԥш иахьа мчыбжьык ахь знык аԥхьаҩцәа ироуртә еиԥш аҭагылазаашьа ыҟоуп", - иҳәеит Ҳашыг.

Аԥсны ажурналистцәа реидгыла ахантәаҩы Руслан Ҳашыг агазеҭ "Эхо Абхазии" аредактор хада Витали Шариа аԥхьа днаргыланы 25 шықәса ирылагӡаны уи аҭыжьра иазааԥсоз зегьы иара убас аԥхьаҩцәеи агазеҭ аиубилеи рыдиныҳәалеит.

Ихадоу атемақәа

  • Акәашара абызшәа, иара иаҵоу ажәа жәлар рҭоурых аазырԥшуа амыругақәа иреиуоуп. Аха рхы ишԥадырхәо ҳаамҭазы ари амыруга, инанагӡома иара ихадароу ароль - амилаҭтә культуреи абызшәеи ауаа рылааӡараҿы, мамзаргьы аҽырбара акәу еиҳахаз? Абарҭ азҵаарақәа рзы лгәаанагара аалырԥшуеит Sputnik аколумнист Есма Ҭодуа.

    4
  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    33
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    173