17:24 30 Лаҵара 2020
Ишиашоу ицо аефир
  • USD70.75
  • EUR78.55

Ҵурҵумиа Донецк имҩаԥгаз атурнир азы: иӷәӷәан, аха ҳаспортсменцәа рхы аадырԥшит

Арадио
Икьаҿу ахьарԥш аиура
184 0 0

Донецк имҩаԥысыз абокс азы Жәларбжьаратәи атурнир аҟны аԥсуа спортсменцәа қәыԥшцәа рхы шаадырԥшыз атәы арадио Sputnik аефир аҟны еиҭеиҳәеит азыҟаҵаҩцәа руаӡәк Иракли Ҵурҵумиа.

Абокс азы Донецк имҩаԥысыз Жәларбжьаратәи атурнир иалахәын Ермантәыла, Аԥсны , Аахыҵ-Уаԥстәыла, Донецки Лугански Жәлар рреспубликақәа рҟынтәи аспортсменцәа қәыԥшцәа.

"Ҳазлацәажәаша ҳамоуп": Ҵурҵумиа абокс азы Жәларбжьаратәи аиндаҭлара иазкны

"Ахәыҷқәа ибзианы рхы аадырԥшит, аҭыԥ бзиақәагьы ааныркылеит, иҟалап иҵегь рылшазҭгьы, аха амҩагьы маҷк ирцәыхьанҭахеит, ичмазаҩхазгьы ҟалеит, ус ишыҟазгьы иқәгылеит. Атурнир акәзар, акоманда ӷәӷәақәа алан, иаагозар Ермантәылантәи" - ҳәа азгәеиҭеит Ҵурҵумиа.

Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.

Аԥснытәи аспортсменцәа Аинар Џьапуа, Нестор Џьанба, Алик Мельниченко актәи аҭыԥқәа ааныркылеит; Рустам Трапизониан, Ашот Джидариан, Алмас Адлеиба, Владимир Ходжикиан - аҩбатәи аҭыԥқәа.

Аспортсменцәа азыҟарҵоит Беслан Адлеиба, Олег Тарасов, Иракли Ҵурҵумиа, Едуард Депелиан.

Ихадоу атемақәа