09:41 24 Хәажәкыра 2019
Ишиашоу ицо аефир
  • USD63.77
  • EUR72.59
Мурман Джонуа
© Sputnik / Томас Тхайцук

Џьонуа: амхқәа зцәаӷәо анхацәа рхыԥхьаӡара есышықәса иагхоит

Арадио
Икьаҿу ахьарԥш аиура
23 0 0

Избан амхқәа зцәаӷәарц зҭаху анхацәа змаҷхо, феидас иалоузеи аџьықәреи аҟашәеи раахәара? Абри атәы арадио Sputnik Аԥсны аефир аҿы еиҭеиҳәеит ақыҭанхамҩа аминистрра амеханизациа аҟәша аиҳабы Мурман Џьонуа. 

"Есышықәса иаҳа-иаҳа имаҷхоит амхқәа рыцәаӷәаразы аҳәара ҟазҵо анхацәа рхыԥхьаӡара. Еиҳарак аџьықәреи лазҵо арахә змоу роуп, аҟашәа аарымхәарцаз, уи адагьы ԥсыхәа рымам. Даҽа шьоукых, иааҳхәар иаҳа иаҳзыфеидоуп ҳәа ирыԥхьаӡоит. Аха аԥышәа иаҳнарбоит анхацәа амхқәа лырҵалар, иаҳа ишырзыфеидоу, иаархәалар аасҭа. Зны-зынла анхацәа зегьы аамҭак еицалхны ацәаӷәаразы аҳәара анаарышьҭуа ҟалалоит, усҟан ицәырҵуеит агәынамӡара, ианаамҭаз иаҳзымааит ҳәа, аизыибамхарагьы усҟан ауп ианыҟало, аха аӡәгьы дабжьаҳмыжьыцт, зегьы ирзаҳцәаӷәартә еиԥш алашара ҳамоуп", - ҳәа азгәеиҭеит Џьонуа.

Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.   

Ихадоу атемақәа

  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    53
  • Еркәыт Аӡынба

    Ҭырқәтәылантәи шықәсқәак раԥхьа зҭоурыхтә ԥсадгьыл ахь нхара ҳәа иааз Еркәыт Аӡынба игәҭахәыцрақәа.

    142
  • Анна Сангулия

    "Ашацәа изыршаз ала дымҩасит", "изыԥҵәоу аамҭа", "игәахәтәы дахьымӡеит" - абас рҳәоит аԥсуаа ауаҩы илахьынҵазы. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы ауахҭа ишазыҟоу.

    62