Аҷандаратәи абжьаратә школ адиректор Валери Аҩӡба арадио Sputnik аҟны иҳәеит апоет Таиф Аџьба диижьҭеи 80 шықәса аҵра инамаданы иқыҭа гәакьаҟны игылоу ихьӡ зху ашкол аҟны ахәылԥаз шымҩаԥгаз атәы.
"Таиф ииашаҵәҟьаны зыламыс ала, зажәала збаҟа зчаԥаз иоуп. Иара ахаан хашҭра иқәым. Иахьа ашәҟәыҩҩцәа, аҵарауаа, араион ахадара, абыргцәа ҳҭан. Излаҳалшоз, гәыкала еиҿаҳкааит ахәылԥаз. Ҳара есышықәса амза 11 рзы иҟаҳҵон (хәажәкыра 11 Таиф Аџьба данииз амш ауп - аред.), аха сынтәа аиубилеи азгәаҭаразы иаԥҵаз акомиссиеи ҳареи ҳаиҿцааны заа Аҷандара аиԥылара мҩаԥаагеит", - иҳәеит Аҩӡба.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Заџьал ааигәоу ауаҩы иара ишизымдыруагьы, ихымҩаԥгашьа, иҟазшьа аҽаԥсахуеит ҳәа ирԥхьаӡоит аԥсуаа. Абжьааԥны ирбахьаз иакәӡамкәа, зҿызыԥсахыз изы "иаџьал ааима?!", "иаџьал иҟәаҟә иқәтәоума?!", "Акы шиԥеиԥшу идыруашәа!" рҳәон. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы аџьал ишазыҟоу.
Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.
Ҭырқәтәылантәи шықәсқәак раԥхьа зҭоурыхтә ԥсадгьыл ахь нхара ҳәа иааз Еркәыт Аӡынба игәҭахәыцрақәа.
