10:43 24 Хәажәкыра 2019
Ишиашоу ицо аефир
  • USD63.77
  • EUR72.59
© Sputnik /

Шамԥҳа: аԥсуа милаҭтә ныҳәақәа амузеи аҿы иӡыргазароуп

Арадио
Икьаҿу ахьарԥш аиура
21 0 0

Аԥсуа милаҭтә ныҳәақәа реиқәырхаразы, ҳқьабызқәа рмырӡразы иҟаҵатәу, атәым ныҳәақәа инарываргылан ҳхатәқәагьы разгәаҭара ишалагатәу - абри атәы арадио Sputnik Аԥсны аефир аҿы еиҭалҳәеит Аԥсны аҳәынҭқарратә амузеи аетнографиа аҟәша аҭҵаарадырратә усзуҩ еиҳабы Инга Шамԥҳа.

"Амузеи аҿы иаарласны еиуеиԥшым, иӡхьоу, ирхашҭхьоу аныҳәарақәа мҩаԥаҳгарц ҳгәы иҭоуп, урҭ ажәлар ирылаҵәарцаз. Еиҳарак аинтерес зҵоу ныҳәоуп Хәажәкыра. Ари аныҳәа ижәытәӡатәиу ныҳәоуп, иара традициала иааҳго ныҳәа дуны иҟоуп. Ҳацклаԥшуазар, хаҭала ари ҭаацәашәала имҩаԥырго ныҳәоуп. Убри аҟнытә уи амузеи аҿгьы иаарԥшызароуп. Аибашьра ашьҭахь арҭ аныҳәарақәа рҽырҵәахуа, рҽырӡо иалагеит, урҭ мыӡыртә еиԥш иҟаҵатәуп. Атәым ныҳәақәа ҳара иаразнак иҳадаҳкылоит, аха ҳхатәгьы аганахь иаанымхароуп. Аԥсуа традициа иаҵанакуа аныҳәақәа иара амузеи инҭыгангьы иҟауҵар алшоит, иаҳҳәап, ақалақь аҿы ирҭбааны, ҳтәыла иаҭаауа асасцәа ирбо-ираҳауа", - ҳәа азгәалҭеит Шамԥҳа.   

Инеиҵыху аицәажәара шәазыӡырҩыр шәылшоит арадио SputnikАԥсны аефир аҿы.

Ихадоу атемақәа

  • Асахьаҭыхаҩ Леуарса Быҭәба иусумҭа Мифы и Легенды Абхазии.

    Заџьал ааигәоу ауаҩы иара ишизымдыруагьы, ихымҩаԥгашьа, иҟазшьа аҽаԥсахуеит ҳәа ирԥхьаӡоит аԥсуаа. Абжьааԥны ирбахьаз иакәӡамкәа, зҿызыԥсахыз изы "иаџьал ааима?!", "иаџьал иҟәаҟә иқәтәоума?!", "Акы шиԥеиԥшу идыруашәа!" рҳәон. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы аџьал ишазыҟоу.

    2
  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    53
  • Еркәыт Аӡынба

    Ҭырқәтәылантәи шықәсқәак раԥхьа зҭоурыхтә ԥсадгьыл ахь нхара ҳәа иааз Еркәыт Аӡынба игәҭахәыцрақәа.

    155