09:37 24 Хәажәкыра 2019
Ишиашоу ицо аефир
  • USD63.77
  • EUR72.59
Вячеслав Эшба
© Sputnik / Томас Тхайцук

Ешба: иреиҳау ҳамҭоуп сыԥсҭазаараҟны аибашьраҟны ҳиааира

Арадио
Икьаҿу ахьарԥш аиура
1020

Аԥсны афырхаҵа, аинрал-леитенант, арра-ҳаиртә мчқәа рыдҵаҟаҵаҩс иҟаз, Аԥсны атәылахьчара аминистрра напхгара азҭоз Виачеслав Ешба иахьа 70 шықәса ихыҵит.

"Ақәра идуу имаҷу Анцәа иҳаиҭо ауп. Ус ҳақәшәеит ҳабиԥара, ҳзықәгәыӷуаз аҳәынҭқарра ду еилаҳаит, ҳажәлар аибашьра иҭагылан. Абарҭқәа зегьы ҳазхысыз уанрызхьаԥшуа, еилыукаауеит Анцәа ду ҳамҭас ишҳаиҭаз аибашьраҟны ҳиааира. Абри зегь рацкьыс иалскаауеит, еиҳау ҳамҭа са сзы иҟаӡам. Аԥырҩы изанааҭ аҟны иуадаҩым ыҟаӡам.  Зегьы иреицәоуп аԥырра зхы азызкыз аибашьра амаҵ аура даналаго, аха уи адагьы ԥсыхәа ыҟам", -ҳәа азгәеиҭеит Ешба.

Виачеслав Аҳмеҭ–иԥа Ешба 1970 шықәсазы, далгеит Егориевск (Москватәи аобласт ) иҟоу авиациа-техникатә ҵараиурҭа, 1973 шықәсазы Кременчугтәи аԥырратә ҵараиурҭа,1983 шықәсазы аграждантә авиациазы Ленинградтәи академиа. "Аҳауатә транспорт арныҟәцаразы анџьныри", "атранспорттә авиациазы актәи акласс змоу аԥырҩи" азаанаҭқәа иоуит. Аус иуан аграждантә ҳаирпланқәа рҟны аԥырҩыс, Аҟәатәи аԥырҩцәа ргәыԥ адҵаҟаҵаҩс дыҟан.

Аԥсны Аџьынџьтәылатә еибашьраан иара инапхгарала еиҿкаан арра-ҳаиртә мчқәа. Аибашьраан Виачеслав Ешба 80 инарзынаԥшуа аԥыррақәа наигӡеит.

Аицәажәара шәазыӡырҩыр шәылшоит арадио Sputnik Аԥсны аефир аҟны.

Ихадоу атемақәа

  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    53
  • Еркәыт Аӡынба

    Ҭырқәтәылантәи шықәсқәак раԥхьа зҭоурыхтә ԥсадгьыл ахь нхара ҳәа иааз Еркәыт Аӡынба игәҭахәыцрақәа.

    142
  • Анна Сангулия

    "Ашацәа изыршаз ала дымҩасит", "изыԥҵәоу аамҭа", "игәахәтәы дахьымӡеит" - абас рҳәоит аԥсуаа ауаҩы илахьынҵазы. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы ауахҭа ишазыҟоу.

    62