06:55 18 Абҵара 2019
Ишиашоу ицо аефир
  • USD63.89
  • EUR70.41
Аԥсны аԥыза-министр актәи ихаҭыԥуаҩ Даур Аршба
© Sputnik / Томас Тхайцук

Аршба Аиааира згаз рфорум азы: аҭоурых аӡыргаразы аҵак ду амоуп

Арадио
Икьаҿу ахьарԥш аиура
123 0 0

Аԥсны аԥыза-министр актәи ихаҭыԥуаҩ Даур Аршба арадио Sputnik Аԥсны иаиҭаз аинтервиу аҿы иҳәеит Санкт-Петербург имҩаԥысуа Аԥснынтә аделегациа злаху Аиааира згаз рфорум аҵакы атәы.

"Афорум мҩаԥысуеит есышықәса, иара еснагь аҽеиҭанакуеит, еиуеиԥшым ақалақьқәа рҿы еиҿыркаауеит. Ара иҟоуп Асовет Еидгыла аҟынтә аҳәынҭқаррақәа рхаҭарнакцәа. Афорум аҵак ду амоуп, ҳабацәа, ҳабдуцәа ирхыргаз хашҭра ақәым. Еиҳау аибашьра адунеи аҿы иҟамлац. Ленинград зыхьчоз Аԥсны иалҵыз 600-ҩык иреиҳауп, урҭ ирызкны обелиск аартын. Ари аҩыза аусқәа ирылахәызароуп изызҳауа аҿаргьы, дарбан милаҭзаалакгьы идыруазароуп иҭоурых. Иахьатәи адунеи ҭышәынтәалам, аӡәы хык ҭҟьар, ҳара ҳаҵанакӡом ҳәа дазхәыцыр ҟалоит, аха ус иҟаӡам есымша. Ақәылаҩ еснагь дқәылаҩуп. Убри аҟнытә еизааигоу аҳәынтқаррақәа, ажәларқәа, рҽеидкылан иҟазароуп. Иахьатәи афорумгьы уи ауп изызку", - ҳәа азгәеиҭеит Аршба. 

Аԥсуа делегациа алахәуп Санкт-Петербург имҩаԥысуа Аиааира згаз рфорум "Великая Победа, добытая единством".

Аԥсуа делегациа алахәуп Пискариовтәи аԥсыжырҭаҿы аллеиа ашьапкра

Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.

Ихадоу атемақәа