Пушкин ихьӡ зху Аҟәатәи аҩбатәи абжьаратә школ амцакра зыхҟьаз макьана еилкаам ҳәа Sputnik адырра аиҭеит Аԥсны Аҭагылазаашьа ҷыдақәа рминистр Лев Кәыҵниа.
"Аҷаԥшьаратә пункт ахь аҭел иасит асааҭ 6:40 рзы ашкол амца акуп ҳәа. Ҳанааи ахыбра амца акхьан. Аҟәеи Аҟәа араиони, Аҳабла Ҿыц аҟнытәи 150-ҩык амцарцәаҩцәа аҭыԥан аус руеит. Жәа-машьынак инареиҳаны аус руеит. Ашкол ахыб блит, аха ауадақәа еиқәҳархеит. Ашкол аԥхасҭа иаиуз атәы аҳәара макьана иуадаҩуп, изыхҟьазгьы еилкаам", - иҳәеит Кәыҵниа.
Шәазыӡырҩла арадио Sputnik Аԥсны аефир.
Авертолиот иамоуп аӡы атара зылшо иҷыдоу амыруга. Уи зныкала иаарту аӡеизгарҭаҟынтә хә-тоннак иреиҵамкәа аӡы атара алшоит. Уи аӡы азиа Амҭҟьал аҟынтәи иргоит.
Аԥсуаа жәытә-натә аахыс хылаԥшра ду арҭон аҭаацәаратә еизыҟазаашьа, хықәкыла ахәыҷқәа рааӡара. Ҭоурыхла, азеижәтәи ашәышықәса алагамҭа анхаҩыжәлар рыбзазара иаланагалаз ахәԥҳара (ааӡара) аинститут атәы шәыдаагалоит Sputnik аматериал аҟны.
Ажәытә аамҭақәа рзы ахархәара змаз аԥсуаа ртрадициатә шьаҵатәқәа ирызкны згәаҭақәак ҟалҵеит Сусанна Ҭаниаԥҳа.
