07:35 23 Жьҭаара 2019
Ишиашоу ицо аефир
  • USD63.63
  • EUR70.92
© Sputnik /

Шамԥҳа еиҭалҳәеит "Аҵх амузеи аҟны" акциазы иарбан жәытә експонату ицәырыргаз

Арадио
Икьаҿу ахьарԥш аиура
33 0 0

Лаҵарамза 18 рзы амузеиқәа Жәларбжьаратәи рымш азы имҩаԥгахоит "Аҵх амузеи аҟны" захьӡу акциа. Ари адунеи атәылақәа жәпакы рҟны имҩаԥырго ауснагӡатәқәа Аԥснытәи амузеиқәа рхы аладырхәеит 2015 шықәса раахыижьҭеи. Аԥснытәи аҳәынҭқарратә музеи аҿы еиҿкаахо ацәыргақәҵа атәы, насгьы уи аекспозициақәа ируакхо апатефон далацәажәоит арадио Sputnik аефир аҟны Аԥсуа ҳәынҭқарратә музеи аетнографиа аҟәша аиҳабы, аҭҵаарадырратә усзуҩы Инга Шамԥҳа.

"Раԥхьаӡа ҳмузеи хада ауп уи акциа алахәхара аԥшьызгаз. Убасҟан аетнологиа аҟәшаҟны хаҭала ицәырзгеит аԥсуа ажәытә мелодиақәа, ашәақәа ирыҵаркуаз еиуеиԥшым атрадициақәа. Уи рхы аладырхәит ансамбльқәа, раԥхьаӡа акәны абжьы геит абыкь. Даара аинтерес аҵаны имҩаԥысит. Уи ашьҭахь ҳмузеи егьырҭ аҟәшақәагьы рхы аладырхәо иалагеит. Ҳмузеи аҟны шықәсык ҟәшак ахы иаднаҵон аунагӡатә аиҿкаара, аха сынтәа зегьы алахәуп. Аетнологиа аҟәшаҟны иӡырзгар сҭахуп апатефон. Уи азеижәтәи ашәышықәса анҵәамҭеи аҩажәатәи алагамҭеи зҵазкуа аамҭа еиднакылоит ҳәа сыԥхьаӡоит", - ҳәа азгәалҭеит Шамԥҳа.

Шамԥҳа Sputnik арадио амҩаԥгаҩ Сусана Саӡԥҳа апатефон аҿакны абжьы дазлырӡырҩит. Илҳәеит уи фымцада аус шауаз, измаз аԥсуа ҭаацәарақәа рҟны асоф иқәыргыланы ишадырҳәоз, агәыла-азла еизаны рыԥсшьара аамҭазы иазыӡырҩуан ҳәа.

Шәазыӡырҩла арадио Sputnik Аԥсны аефир.

 

Ихадоу атемақәа