"Кындыӷ иаадыртыз азауад аҿы иалаҵан, аԥара ҳзоурыжьит 10 миллионк. Ацха Аԥсны иҟоуп 2000 тонн еиҵамкәа, абасҟак ааҳрыхуеит ашьхааӡаҩцәа. Аха ари ацха анузымҭилак, ашьхымзааӡаҩцәа рыцха агарҭа рымамкәа иаанхоит. Иаргьы еилажьны иузыҵәахӡом, узҭоуҵалак ауӡом, иахьургылалак ауӡом. Ацха ишахәҭоу уахыламԥшыр, аҽаԥсахуеит, ахаҭабзиара аҽеиҭанакуеит. Ҳара ҳақәымшәацызт ари аҩыза апроблема. Уаанӡа ацха шаҳаԥшлак иҳаҵганы иргон. Иахьа аахәаҩцәеи аҭиҩцәеи еиқәҿырҭуа иҟам. Анхацәа иааҳрыхуа ахә аҵахь ицеит, иааҳхәо зегь рыхәқәа дууп", - азгәеиҭеит Қацәба.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
