Аԥсны асасааирҭақәа рнапхгаҩцәа ргильдиа ахада Асҭамыр Ахба арадио Sputnik Аԥсны аефир аҟны дазааҭгылеит алхрақәеи атуристтә сезони реиҿыбаара азҵаара. Иалшома урҭ еиваргыланы рымҩаԥгара, ҵакыс иамоузеи ҳҳәынҭқарразы атуризм, насгьы аполитика уи иаԥырхагахар алшома?
"Иазхаҵоу ихьыԥшыму ҳәынҭқарраны ҳаҟазарц, ҳбызшәа еиқәҳархарц, ҳасасдкылара ааҳарԥшырц, ҳекономика аҿиаразоуп аҳәынҭқарра заԥаҳҵаз. Ҳара ҳхатәы интерес ааныжьны аҳәынҭқарра аҭахрақәа ҳрызхәыцроуп зегь раԥхьа иргыланы. Уи ашьҭахь ҳхатәы ҭахрақәа ирыхәаша цәырҳгароуп. Атуристтә бизнес иалахәу рхатәы интерес ианашьҭоу, аҳәынҭқарра аҭахрагьы иазхәыцроуп, убас ауп аполитика иаҿугьы", - иҳәеит Ахба.
Иаҳа инарҭбаау анҵамҭа шәаҳар шәылшоит арадио Sputnik Аԥсны аефир аҟны.
Аԥсны Аҵәахырҭатә банк ауааԥсыра акредит рыҭара апрограмма ааннакылеит 2019 шықәса ԥхынгәы 1 азы аԥаратә дефицит иахҟьаны.
Жә-шықәса зхыҵуа Саиду Сергьегьиа ДЦП имоуп. Иара иныҟәара алшахарц азы хара имгакәа аоперациа изутәуп, изеизгатәуп 232 000 мааҭ.
Ахаҵа Аԥсны Аҳәынҭқарраҟынтә Урыстәылатәи Афедерациахь имҩа хан. Даанкылан аушьҭырҭатә ҭыԥ "Адлер".
