"Хымԥада иахьа еиуеиԥшым атранспорт хкқәа шыҟоугьы, еиҳарак ауааԥсыра рымҩангаразы, ақыҭақәа реимадаразы арҭ автобусқәа актәи аҭыԥ ааныркылоит. Ԥыҭҩык рзы иара уи адагьы уаҳа изланеиааиуа ыҟаӡам. Автобусқәа даара иманшәалоуп - уи азгәарҭон арныҟәцаҩцәа. Ахаҭабзиарагьы ҳаракуп, пату ақәҵаны уазнеир, 10 шықәса иреиҵамкәа ахархәара роуртә иҟалоит. Автобусқәа рҿы ҷыдала ахымхәацәа рзы аҭыԥқәа ыҟоуп, дара атранспорт аҭалара еиҳарак ашьҭахьтәи ашәала ирзыманшәалахоит. Сгәы иаанагоит апассаџьыр изы ари ибзиоу автобусқәоуп", – ҳәа азгәеиҭеит Аҩӡба.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
