12:59 17 Жьҭаара 2019
Ишиашоу ицо аефир
  • USD64.35
  • EUR71.05
Арда Ашуба
© Sputnik / Томас Тхайцук

Ашәба: ачгара ианыҵоу аамҭазы ацуныҳәара амҩаԥгара ҟалом, ихырҳагахом

Арадио
Икьаҿу ахьарԥш аиура
67 0 0

Аԥхын ишаԥу еиԥш аԥсуаа имҩаԥыргоит ацуныҳәара. Анхацәа раарыхра бзиахарцаз Анцәа иахь рхы рханы иныҳәоит. Ацуныҳәара иацу акәамаҵамарақәа ртәы арадио Sputnik иазеиҭеиҳәеит аетнолог, Аԥсуаҭҵааратә институт аиҳабы Арда Ашәба.

"Ацуныҳәара аԥшьыргон аарыхра бзиа роурцаз, ақәа бааԥсы, аԥша бааԥсы, амра аӷьны, аарҩара бааԥсы ҟамларцаз, ацуҭаҿы еилынхо зегьы еизыразны. Амарҭхәқәа ашыла, ачашыла, аџьыка, ацәашьы, асыгәреи, рҳәа иааилаԥсаны иҟарҵон. Аԥхьа, мчыбжьык шагу аҿа арҭон. Хәы ҳаракык аҟны ихаланы, ахаҵа цқьа, ацәашьы икызар ҟалоит, икымзаргьы ҟалоит, дныҳәон, аҿа аиҭон, иааиуа амчыбжь азы Анцәа ихьӡала ишныҳәо атәы", - ҳәа еиҭеиҳәеит Ашәба.

Аетнолог иазгәеиҭеит рыцҳаракгьы ҟалазаргьы ари аҿаҭахь ауп, уи ахгара, мамзаргьы зынӡа иумур ауам. Акәац зымфо аҭаацәа рмарҭхә аларҵоит, избанзар ари аарыхра иатәуп, зегьы ирзеиԥшу ныҳәароуп ҳәа иҳәеит Ашәба. 

Аԥсуаҭҵааратә институт аиҳабы инаҵшьны иазгәеиҭеит аныҳәара ачгара ианыҵам ишымҩаԥгатәу, ус анакәымха ихырҳагахом иҳәеит иара.  

Ацуныҳәара ахаҭа шымҩаԥырго атәы аетнолог еиҭаҳәамҭа шәазырҩыр шәылшоит, ари амчыбжь асаит аҿы иҟало, аподкаст егьы ахәҭаҿы.

Шәазыӡырҩла арадио Sputnik Аԥсны аефир.

Ихадоу атемақәа