Микрофон  - Sputnik Аҧсны
Арадио

Аҩӡба еиҭеиҳәеит ААУ аҿы адкыларатә комиссиа аусура атәы

© Sputnik / Томас ТхайцукВиктор Аҩӡба
Виктор Аҩӡба - Sputnik Аҧсны
Анапаҵаҩра
ААУ аҿы аа-факультетк ыҟоуп, 28 заанаҭ рыла аԥышәарақәа мҩаԥгахоит иҳәеит арадио Sputnik Аԥсны иаиҭаз аинтервиу аҿы адкыларатә комиссиа алахәыла, аҭоурыхтә факультет адекан ихаҭыԥуаҩ, аҭоурыхтә ҭҵаарадыррақәа ркандидат Виктор Аҩӡба.

Рашәарамза 27 рзы ААУ адкыларатә комиссиа арзаҳалқәа рыдыркыло иалагеит. Мчыбжьык иалагӡаны асааҭ 10 инаркны 15:30 рҟынӡа есыҽны ААУ ахыԥхьӡаларазы ашәҟәқәа алоуҵар ҟалоит. 

Аҩӡба еиҭеиҳәеит ААУ аҿы адкыларатә комиссиа аусура атәы

"Адокументқәа рахь акомиссиа иадгалатәуп: ашкол ишалгаз зырҵабыргуа аттестат, атәылауаҩшәҟәы ахкьыԥхьаа, амедицинатә еилыркаага, апотретқәа ф-цырак, альготақәа змоу уи зыршаҳаҭуа адыргалоит. Аҷкәынцәа рзы еиҭа иаҭаххоит авоенкомат аҟынтә ашәҟәи, анаркодиспансер аҟынтә убасгьы", - иҳәеит Аҩӡба.

Адкыларатә комиссиа алахәыла иажәақәа рыла, есышықәса еиԥш сынтәагьы аҳәынҭқарра аҟынтә ААУ аҿы хәада-ԥсада аҵараҵаразы аҭыԥқәа азоужьуп.

"Аҳәынҭқарра ахарџь ала 312 ҭыԥ азгәаҭоуп. Сынтәа ауниверситет аҿы ааԥын имҩаԥган аолимпиада абарҭ афакультетқәа зегьы рҿы, уи иабзоураны 69 ҭыԥ аанкылоуп ҳәыда-ԥсада аҵараҵаразы", – ҳәа азгәеиҭеит Аҩӡба.      

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.    

Ажәабжьқәа зегьы
0