15:57 18 Ԥхынгәы 2019
Ишиашоу ицо аефир
  • USD62.83
  • EUR70.61
Савелий Читанава
© Sputnik / Томас Тхайцук

Ҷыҭанаа Аԥсны Ашәҟәы ҟаԥшь азы: иахәҭоу аматериалқәа 80 процент рҟынӡа еизгоуп

Арадио
Икьаҿу ахьарԥш аиура
12 0 0

Аԥсны аԥстәқәеи, аԥсаатәқәеи, аҵиаақәеи ирызкыу Ашәҟәы ҟаԥшь аиқәыршәара аус ахьынӡанагоу атәы арадио Sputnik аефир аҟны еиҭеиҳәеит Аԥсны аекологиеи аԥсабарахьчареи рзы аҳәынҭқаарратә еилакы ахантәаҩы Савелии Ҷыҭанаа.

Аԥсны Жәлар реизара аԥстәқәеи, аԥсаатәқәеи, аҵиаақәеи ирызкыу Ашәҟәы ҟаԥшь аҭыжьразы азакәан апроект аԥхьатәи аԥхьарала ирыдыркылахьеит. Уи аахыижьҭеи иҵуеит ҩышықәса.

"Ашәҟәы ҟаԥшь аԥҵаразы агәыԥқәа хәҭа-ҳәҭала адҵа рымоуп. Аматериалқәа реизгара напы аркуижьҭеи акрааҵуеит, урҭ 80 процент рҟынӡа еизгоуп ҳәа сҳәар сылшоит. Сынтәоуп Ашәҟәы ҟаԥшь аизгара аус ахыркәшаразы абиуџьет аҟны аҟәрышь аназоурыжь. Аҵиаақәеи аԥстәқәеи рзы аматериал еизызгахьоу мамзар еизызго агәыԥқәа рхарџь ҳәа миллион мааҭ ыҟоуп. Арҭ аԥхын амзақәа рзы уи аус хыркәшазар сҭахуп, анаҩс Ашәҟәы ҟаԥшь анҭҳажьуа ҳәа азҵаара ҳалацәажәарц", - иҳәеит Ҷыҭанаа.

Иара агәаанагара ааирԥшит ашәҟәы азы иахәҭоу аматериалқәа зегьы ҳазҭоу ашықәс хыркәшахаанӡа еизгахап ҳәа.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.  

Ихадоу атемақәа