"Аԥсны ас еиԥш инеиҵыхны амультфильм ҟамлаӡац, иҟамлац иара убас адиалогқәа рацәаны измоу аусумҭа. Араҟа ирацәоуп аиҿцәажәарақәа, амультфильм 16-17 минуҭ иҟалоит. Акадрқәа рацәоуп, аусгьы рацәоуп. Иара афырхаҵара атема аанырԥшуеит, аха зегьы лафны. Исҭахуп ахәыҷбаҳчеи ашколи рахь ицо ахәыҷқәа рзы ак аԥҵазарц, иргәаԥхартә еиԥш, иарччартә еиԥш, рхатәы бызшәа раҳартә еиԥш. Амультфильм аҿы ирацәахоит аԥсуа музыка, ҿыц иаԥҵоугьы ыҟоуп. Уажәы аперсонажцәа рыбжьы ахаҵара ҳаҷуп. Дыҟоуп агызмал, адау, аҽы - зегьы дара рхатә хаҿсахьа, цәаҩа, абжьы рымазаауеит. Исҭахын иаразнак рыбжьы шаауаҳалак иудыруа иҟаларц. Ари амультик анаҩс еиҭа иаҵцаны иҟоуҵар алшоит", - ҳәа азгәеиҭеит Кәыҵниа.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- "Супермен" духазыршҭуа: Абрыскьыл акомикс аҟынтә амультфильнӡа анаӡара шилшаз
-
Џьамбул Жорданиа и-Шьапхырҟьаҟьараа: "милаҭла" иаԥсыуоу акьанџьатә театр шҭырхуа
