09:27 23 Нанҳәа 2019
Ишиашоу ицо аефир
  • USD65.62
  • EUR72.83
Геннади Аламиа
© Sputnik / Томас Тхайцук

Аламиа: ҩнуҵҟала даара акрысхыҵуашәа збоит

Арадио
Икьаҿу ахьарԥш аиура
24 0 0

Апоет, аиҭагаҩ, ауаажәларратә усзуҩы Геннади Аламиа ԥхынгәы 24 рзы 70 шықәса ихыҵит. Иара иԥсҭазааратә мҩеи, ирҿиареи, ихәыҷқәа нап рыгырхан иааӡазшәа зиԥхьаӡо атәы еиҭеиҳәеит арадио Sputnik Аԥсны аефир аҿы.

"70 даара ирацәоуп, уи шьоукы рзы имаҷзаргьы ауеит, егьырҭ аԥсҭазаара даара ирацәаны аидара иаҵанаҵазар ауеит. Ирацәоуп избанзар, исхызгахьоу рацәоуп, сааԥсазар акәхап. Сара ҩнуҵҟала даара акрысхыҵуашәа збоит. Уажәы ажурнал аума, агазеҭ аума сахьаҿу избоит, ԥыхьа аџьабаа адымбалакәа иҟасҵоз, уажәы даара аџьабаа снарбоит. Аӡыӡлагара алуқәа анхалак икәатәуп, аха ус еиԥш ауаҩы ихаҿы иузыҟаҵаӡом", - иҳәеит Аламиа. 

Аиубилиар иажәақәа рыла, иԥсҭазаараҿы ихәыҷқәа нап ахьрыгирхаз даара ихьааигоит.

"Схатә ԥсҭазаареи ауаажәларратә ԥсҭазаареи еиҟәысҭхартә салагеит, аха исзыҟамҵеит. Схәыҷқәа ыҟоуп, смаҭацәа ыҟоуп, схы зынӡа сазхьаԥшуамызт сҳәар ииашам, аха ауаажәларратә ус саназымхәыцуаз ыҟамызт, убри ауп зегь реиҳагьы ибааԥсу. Сара даара схәыҷқәа нап рыгсырхеит. Урҭ ирыгхаз смаҭацәа ирыгсмыжьырц саҿуп, аха уигьы ауӡом. Баграт Шьынқәба иҳәалон еиԥш, смаҵура, споезиа ашәхымс аҿы инашьҭаҵаны аҩныҟа сзыҩналомызт. Иузыҟаҵаӡом уи", - ҳәа иҳәеит Аламиа.    

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар шәылшоит:

Ихадоу атемақәа