Аԥсны арепатриациазы аминистр Беслан Дбар арадио Sputnik аҟны иҳәеит аԥсуа қыҭақәа рҟны инхоз Ҭырқәтәыла аӡхыҵра иақәшәаз хаҭала дырҭааны рҭагылазаашьа зеиԥшроу шибаз, дышрацәажәаз атәы.

Владислав Арӡынба ихьӡ зху Жәларбжьаратәи аҳаиртә баӷәаза "Сухум" абазатә статус аиуит Аԥсны аминистрцәа реилазаара иаднакылаз аӡбрала. Аԥсны атәыла ахада Рауль Ҳаџьымба аилатәараҿы ари апроект ахҳәаа азыҟаиҵеит.

Афон Ҿыцтәи аҳаԥы аартҩы Гиви Смыр игәалашәара иазкны ақалақь аҟны имҩаԥысуеит ахәыҷтәы шьапылампылтә еицлабра. Уи иалахәхо акомандақәа ртәы арадио Sputnik Аԥсны иазеиҭеиҳәеит аҿартә политиказы аҳәынҭқарратә еилакы ахантәаҩы ихаҭыԥуаҩ Михаил Цкуа.