02:34 18 Нанҳәа 2019
Ишиашоу ицо аефир
  • USD66.00
  • EUR73.22
© Sputnik

Аргәын Чхәарҭалтәи ахәыҷтәы лагер азы: ахәыҷқәа рлеишәа гәцаракны иҳамоуп

Арадио
Икьаҿу ахьарԥш аиура
12 0 0

Чхәарҭал еиҿкаау ахәыҷҭәы лагер шымҩаԥысуа, насгьы уи иалахәылацәа рзы еиҿкаау аусмҩаԥгатәқәа ртәы арадио Sputnik иазеиҭеиҳәеит агәыҳалалратә еиҿкаара "Кьараз" анагӡаратә директор Кадыр Аргәын.

"Ахәыҷтәы лагер еиҿкаан ԥшьышықәса раԥхьа. Сынтәа раԥхьаӡа акәны атәылахьчара аминистрра аҟнытә аруаа ахәыҷқәа абџьар ахархәашьа ддырбеит, ихысызгьы ыҟоуп. Уажәазы 30-ҩык ахәыҷқәа ҳамоуп, еиуеиԥшым араионқәа рҟнытә. Дара ашьыжь асааҭ быжьба рзы игылоит, рҽазыҟарҵоит, шьыжьхьа рфоит, анаҩс еиҭа аҽазыҟаҵарақәа рымоуп. Иахьа арыцқьара иамшуп, ахәычқәа рымаҭәа рыӡәӡәеит, рыцәарҭатә ҭыԥқәа еилдыргеит", - ҳәа еиҭеиҳәеит Аргәын.

Агәыҳалалратә еиҿкаара "Кьараз" анагӡаратә директор иажәақәа рыла алагер аҿы еиҳарак ахәыҷқәа рлеишәа иацклаԥшуеит.

"Ҳанааи амш инаркны ҩыџьа еиҳабыс иалхуп, урҭ рыҩныҵҟа хәҩык фҩык дара ирыцхраауеит. Ҳара ҳҽазаҳшәоит ахәыҷқәа ҳажәа иқәныҟәаларц, рлеишәа еиҿкаазарц, анаҩс аҩнаҭаҿы рани раби ирзыӡырҩларц", - ҳәа еиҭеиҳәеит Аргәын. 

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа

  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    24
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    151
  • Иҟоума даҽа ҳәынҭқаррак рхада ртәыла агәы злеисуа абызшәа изымдыруа? Далырхуама уи иҩыза, хшыҩла дкәадамзаргьы? Ауаажәларра рыбжьара агәынамӡара зызцәырнагаз акандидатцәа злахәыз аефиртә аамҭа аԥҟарақәа еиҭакрақәас ԥхьаҟа ирылагалатәузеи? Абарҭ азҵаарақәа дрылацәажәоит Sputnik аколумнист Елеонора Коӷониаԥҳа.

    50