Аԥсны раԥхьаӡа акәны Риҵатәи амилаҭҭә парк иахьаҵанакуа атреилранинг азы аицлабрақәа мҩаԥысит цәыббра 8 рзы. Урҭ ирылахәын ҩышәҩык рҟынӡа аспортсменцәа. Урҭ рахьынтә 18-ҩык Аԥсны атриатлон азы афедерациа иалоу ракәын.
"Аицлабрақәа АbkhaziaWildMountainRace рыхьӡан, уи иаанагоит атреилранинг (англыз. бызшә. trail running – аспорттә дисциплина "мҩахәасҭала аҩра" - аред.) ашьха мҩахәасҭақәа рыла аҩра. Иҟан ҩ-дистанциак: руак - 30 километра, егьи 65 километра аҩра. Цәыббра 8 ауха асааҭ 2 рзы 65 километра иҟаз адистанциа ала аҩра иалагеит. Егьи ашьыжьымҭан асааҭ 6 рзы аӡиасқәа Иаӷьеи Ҩыԥсареи ахьеилало аҭыԥ аҟынтәи. 30 километра аҩра рхы аладырхәит 165-ҩык, 65 километра - 30–ҩык аспортсменцәа", - лҳәеит Цикәытаниаԥҳа.
Лара иазгәалҭеит аспорттә еицлабра шымҩаԥгахаз Урыстәылатәи аиҿкаареи Аԥсны атриатлон азы афедерациеи аклуб "Аспорт Аԥсныи" рыбзоурала.
65 километра иҩуаз рыбжьара аицлабра Аԥснынтәи иалахәыз Денис Саманба заҵәык иакәын, иара абыжьбатәи аҭыԥ ааникылеит. Адистанциа 30 километра аҟны Саид Аргәын абыжьбатәи аҭыԥ ааникылеит.
Иара убас шәаԥхьар ҟалоит:
-
Ашьха ихалеит: Аԥсны имҩаԥысит треилранинг азы аицлабра
