Иалта имҩаԥысуаз Жәларбжьаратәи афестиваль "Звездный путь" аҿы аԥсуа артистцәа иаадырԥшыз аихьӡарақәа ртәы арадио Sputnik Аԥсны иазеиҭеиҳәеит ашәаҳәаҩ Ҭимур Ҭаниа.

Аԥсуаҭҵааратә институт аҟны иӡырган Урыстәыла Мрагылараҭҵаара аинститут аҟны иҭыжьыз "Мраҭашәаратәи Кавказ а-ХIХ-тәи ашәышықәса актәи азбжа" захьӡу аизга. Урыстәылатәи аофицар Лисовскии атопограф Чуркини рархивтә материалқәа рыла еизгоу ашәҟәы еиқәлыршәеит аҭоурыхтә ҭҵаарадыррақәа ркандидат, Урыстәылатәи аҭҵаарадыррақәа ракадемиа иатәу Мрагылараҭҵаара аинститут анаукатә усзуҩ еиҳабы Лариса Ҵәыџьԥҳа.

Аԥсуаа рҟны ажьрацәара рныҳәара иамоу аҵакыи уи амҩаԥгашьеи ртәы арадио Sputnik Аԥсны арубрика "Жәлар рдоуҳа" аҿы еиҭалҳәеит афольклорист Есма Ҭодуаԥҳа.

Цәыббрамза 11, 1995 шықәса рзы Аԥсны дшьын аҵарауаҩ ду Иури Воронов. Иара хаҭала дыздыруаз аҭоурыхтә ҭҵаарадыррақәа ркандидат Алик Габелиа арадио Sputnik Аԥсны аефир аҿы еиҭеиҳәеит аҵарауаҩ илагала атәы.

Хра злоу ахҭысқәа - иалкаау аполитикатә, асоциалтә, акультуратә хҭысқәа. Ҳара урҭ ҳрылацәажәоит, ахәшьара аҳҭоит, алкаа рзыҟаҳҵоит.