00:08 08 Нанҳәа 2020
Ишиашоу ицо аефир
  • USD73.64
  • EUR87.17

Ҵәыџьба Гал араион аҿы ацитрустә шәырқәа рҽаҩразы: ҳџьабаа мыӡит

Арадио
Икьаҿу ахьарԥш аиура
1810

Гал араион ахада ихаҭыԥуаҩ, ақыҭанхамҩа аусбарҭа аиҳабы Ҭамаз Ҵәыџьба Sputnik иаиҭаз аинтервиу аҟны иҳәеит сынтәа ацитрустә шәырқәа рҽаҩра маҷзаргьы ахаҭабзиара акырӡа ишеиӷьу.

Ҵәыџьба Гал араион аҿы ацитрустә шәырқәа рҽаҩразы: ҳџьабаа мыӡит

"Амандарина аҟәшәара макьана ҳаламгацт. Шықәс дуӡӡак Гал араион аҿы имҩаԥаагоз аусурақәа ирыбзоураны иахьа иҳауа аалыҵқәа зегьы рҽаҩра уеигәырӷьартә иҟоуп, ҳџьабаа мыӡит. Апты аҟнытә иҟаҳҵоз ахәшәтәрақәа ахәеит. Ацитрус аганахьала 50% рҟынӡа аҽаҩра ҳазыԥшуп, избанзар, аарҩара иахҟьаны иҳацәкаԥсаз маҷым, аха иаанхаз ахаҭабзиара даара ибзиоуп, уи уахьахәаԥшуагьы иубарҭоуп. Ахәгьы ҵыԥх аасҭа сынтәа еиҳахароуп. Заа иҟало амандарин иахьа Гал араион аҿы унеины 50 мааҭ ҳәа дара иҿыхны иргоит. Урыстәыла уажәааны амандарин ахьыҟам азы ахә бзиоуп. Асовхозқәа рҿы ҵыԥх 1200 тонна рҟынӡа аҽаҩра ҳаузар, сынтәа 500-600 рыбжьара ҳазыԥшуп", - иҳәеит Ҵәыџьба.

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа