Ҳашыгԥҳа еиҭалҳәеит Аҟәа Ашықәс ҿыц аныҳәаз еиҿкаахо аусқәа ртәы
"Амза 26 инаркны ажьырныҳәа 7-нӡа еиҿкаахоит еиуеиԥшым аусмҩаԥгатәқәа. Акультуратә программа иалахәуп аҵара аусбарҭа, иара убас аҿари аспорти рхеилак. Амза 26, асааҭ 18:00 рзы ихацырхкоит ахәыҷқәа зырлахҿыхша аусмҩаԥгатәқәа, аицлабрақәа. Иара убас уа иҟалоит аҵаақәшьқьырырҭа, уи амза 27 инаркны. Макьана еилкааны иҟам иара хәыда-ԥсадахо мамзаргьы аԥара ахшәаатәхо, избанзар, аҵаашьаҵақәа изҭаху зегьы ирызхартә еиԥш иҟаҵатәуп. Уи ахәыҷқәеи адуцәеи зегь зырлахҿыхуа усуп, раԥхьаӡа кәны иалаагалеит, ргәы иахәап ҳәа ҳгәы иаанагоит", - ҳәа еиҭалҳәеит Ҳашыгԥҳа.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
