Микрофон  - Sputnik Аҧсны
Арадио

Амҷыԥҳа: Германиа иҟоу ҳдиаспореи ҳареи ҳаимадара рӷәӷәатәуп

© Фото : страница Хиблы Амичба в FacebookХибла Амичба
Хибла Амичба - Sputnik Аҧсны
Анапаҵаҩра
Германиа иҟоу Аԥсны ахаҭарнак Хьыбла Амҷыԥҳа арадио Sputnik Аԥсны иалҭаз аинтервиу аҿы ашықәс иалагӡаны имҩаԥгаз аусурақәа ртәы еиҭалҳәеит, иазгәалҭеит аамҭа цыцԥхьаӡа уа иҟоу адиаспореи дареи реимадара шыԥсыҽхо.
Амҷыԥҳа: Германиа иҟоу ҳдиаспореи ҳареи ҳаимадара рӷәӷәатәуп

"Адиаспора ахаҭарнакцәа, ҳәарада, даара иазҿлымҳауп Аԥсны иадҳәалоу зегьы аусмҩаԥгатәқәа рымацара ракәымкәа, иара ус Кавказ иадҳәалоу зегьы. Џьара фестивальк аныҟоу аума, концерт аума, ҳдиаспора есымша аинформациа раҳҭоит, иахьынӡаҳалшо иалаҳархәуеит. Аха егьырҭ ашықәсқәа рзы ҳдиапора иаадырԥшуаз азҿлымҳареи уажәыи ҳахәаԥшуазар, иаҳҳәап аибашьра шықәсқәа раан аҵкыс уажәы иаҳа иԥсыҽуп. Ари иҟоу апроблемақәа рацәа ирхылҿиаауа ауп. Ассимилиациа ӷәӷәоуп, ара аизҳара иаҿуп адиаспора ахԥатәи абиԥара, реиҳабацәа аусура аамҭа анынҵәалак ашьҭахь, игьежьны Ҭырқәтәылаҟа ицаз рацәаҩуп. Убри азы аҿар игылоу урҭ зегьы ҿыц ирҵароуп рџьынџь аҭоурых, ҿыцны ирыҭатәуп аинформациа. Убри излаҳалшо ала ҳаҿуп есқьынагьы. Аԥсны иазку аинформациа еиуеиԥшым абызшәақәа рыла зегьы рыларҵәара. Абри даара зҵаара дууп, ҳдиаспореи ҳареи ҳаимадара", – ҳәа лҳәеит Амҷыԥҳа.     

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Ажәабжьқәа зегьы
0