07:16 31 Жьҭаара 2020
Ишиашоу ицо аефир
  • USD79.33
  • EUR92.63

Габниа "Ҷыҟәрышә" азы: сгәы ҭыӷьӷьаа исҳәоит иҳақәҿиеит ҳәа

Арадио
Икьаҿу ахьарԥш аиура
28 0 0

Самсон Ҷанба ихьӡ зху аԥсуа драматә театр Ашықәс ҿыцызтәи ақәыргыламҭа "Ҷыҟәрышә" аҿы аҳәынаԥқәа рҳәынҭқар ароль назыгӡо, Аԥсны Жәлар рартист Сергеи Габниа арадио Sputnik аҟны иҳәеит аспектакль ахәыҷқәа ргәы иақәшәо ишыҟаҵо.

Габниа "Ҷыҟәрышә" азы: сгәы ҭыӷьӷьаа исҳәоит иҳақәҿиеит ҳәа

"Сара избахьоу рацәоуп. 1968 шықәса раахыс атеатр аҿы аус зуеит. Аԥсҭазаара ак снарҵеит, аҟазара аганахьала аԥышәагьы соуит. Сгәы ҭыӷьӷьаа абри ақәыргыламҭа ҳақәҿиеит ҳәа сҳәоит. Гәдиса аҟазара ишьа-ида иалоуп, ус акәымзар, ас аспектакль аҟаҵара мариам. Иара цәгьа иԥшӡаны иҟаҵоуп, ахәыҷқәа ргәы иақәшәо иқәыргылоуп", - ҳәа азгәеиҭеит Габниа.

Аԥсны Жәлар рартист иҳәеит, ақәыргыламҭаҿы аҿар рыцыхәмарра иара изы шәгәахәара дуу.

"Аҿар уанрылагыло уаргьы уҿоушәа ухы убоит, уааԥсарагьы ухашҭуеит. Насгьы ԥхашьарами аҿар урылагыланы уқьуа-уӷызуа, ус ҳаӷоу ибааит. Аҿар реиԥш ухы мҩаԥыугароуп", - ҳәа иҳәеит Габниа.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Ихадоу атемақәа