"Даара имаҷны аус адааулеит сынтәа Риҵа, избан уҳәозар, иара апроблема ахаҭа аныҟаз алхрақәа мҩаԥысуан, урҭ ирхырҟьаны уамак ҳҽадҳамцалеит ари азҵаара. Сынтәа ари ауадаҩра иалкааны ҳҿаԥхьа иқәгылоуп. Риҵа ирҭиуа аалыҵ ԥаршеиқәа рҵыхәа ԥҵәатәуп. Уи ишахәҭоу еиԥш сынтәа ҳазнеип ҳәа сгәы иаанагоит. Ари ашықәс азы адҵақәа рыҭоуп, ҳара ҳусбарҭа мацара акәым, иара егьырҭгьы ари азҵаара аҭакзыԥхықәроу. Зегьы ҳаицхырааны ари акахьы икылаагап ҳәа сгәы иаанагоит. Иахьа Риҵа ирҭиуа аҩы, уи ҩым. Ацха угозар, абзиагьы зҭиуа дыҟоуп, аха иҽеимгьы зҭиуа дыҟоуп. Иаарласны алабораториагьы ҳаураны ҳаҟоуп, аалыҵқәа гәаҳҭар ахьзалыршахо, уи Москва имҩаԥаагаз аиҿцәажәарақәа ирлыҵшәахеит", - ҳәа еиҭеиҳәеит Саманба.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
